返工只可以用”忙”嚟形容，三日嘅data要一次過清駛，原本plan好咗工作嘅先後次序，但突發事件嘅出現令我嘅預計時間延長，原以為做完其中一個task，轉頭同事又話唔記得send 某日嘅data畀我，做做吓又要做返轉頭，之後都係不斷埋頭苦幹做自己嘅duties，多咗extra嘢要做已經覺得時間唔足夠，再加上知道夜晚有Christmas party要早少少離開，令我更驚覺時間嘅缺乏。

第一年參加公司嘅Christmas party，一個被同事形容為最多收穫嘅一個function，終於有機會畀我經歷，而今年亦破天荒係hotel搞，有得食buffet係其次，同事最感到興奮及期待嘅係抽獎，因此全晚嘅高潮完全在抽獎嘅時間，但係抽獎嘅結果往往出人意表，越唔想抽到偏偏抽中，越想抽中往往抽唔到，或者呢個就係現實，而我同樣地只差兩步就可以得到我所渴望嘅prize，無奈就係果兩步已經截停咗我嘅去路。

 P.S. 今日SZ一個高級嘅同事送咗份生日禮物畀我，我真係好開心呢！