今日冬至，公司又有得早放兩個鐘畀我哋有充裕時間回家食飯，平時嘅working hour縮短咗兩個鐘，一睇就知冇可能用極速完成所有duties，要準時提早放工就要選擇擱置部份任務，如果唔想擱置就唔可以準時離開，而我選擇咗後者，不過比起平時都係早咗少少放工嘅，無疑我可以選擇擱置，但上星期已經hold起咗一堆嘢未做，我真係唔想堆積再堆積，宜家唔做遲d都係要我做，既然我唔趕時間，點解唔做駛先離開呢？

我覺得今日做嘢嘅速度比起平時已經快咗，但係d tasks都幾消耗時間，臨放工時SZ有個同事返嚟redeem Christmas gifts，佢話有時間可以幫吓我，所以幫我將d registration forms釘窿，因為我hold住一大疊forms未filing，佢唔幫手我都諗住file埋先離開，幸好有佢嘅協助，令我可以縮短filing嘅時間。我一路做都做到頗晏，由於我係最後離開嘅人，所以由我負責鎖門，點知又無端端鎖唔到，明明上次鎖得好順利，我不斷研究都搵唔到問題所在，最後只好打電話求救，已經遲走嘅我再遇到呢件事，變相更加遲走呢！