一連四日假期嘅第一日，毫無活動計劃嘅我唔想無聊咁度過，突然建議去中環尖東睇燈飾感受吓節日氣氛，起初細妹擔心會留下阿媽一個在家，但阿媽難得地答允同行，於是夜晚展開睇燈飾之旅，其實以往會由阿爸帶路，阿爸今年要開工嘅關係，所以我只可靠記憶而行，首先我哋去咗皇后像廣場嘅「聖誕歡樂小鎮」，排完隊入到去其實冇乜嘢好睇，最好睇只有表演項目，d表演項目又喜歡隔幾個字先有得睇，為咗去埋尖東睇燈飾，睇咗一陣就決定離開，搭完天星小輪過尖東，行咗一段路完全驚覺毫無燈飾可言，我不斷review以前嘅路線，但仍然唔清楚應該點行，迷茫嘅心情已經令我心情欠佳，突然嘅一個來電無端端又比人鬧咗幾句，跟住阿媽又極度唔滿意我哋放棄「聖誕歡樂小鎮」嘅表演項目，果一刻心情變得極down，d眼淚已經佈滿在我眼內，之後又miss埋尾班船，相機又冇電，真係早知就唔過尖東，remain in 皇后像廣場睇駛令我舒暢嘅表演。