可能尋晚出街出得太夜嘅關係，今朝起身feel到有少少喉嚨痛，返到office就開始咳嗽，喉嚨極度唔舒服，雖然係病病地，不過今朝我夠膽開口同主動協助嘅表現真係出乎意料之外，平時嘅我就算真係有嘢想講，我總會諗東諗西遲遲都講唔出，又會擔心阻礙別人嘅時間而唔出聲，而幫忙更加少之有少，往往別人做駛後我先後悔冇出手協助，一路以來畀好多所謂嘅原則困鎖住，唔踏出鬱埋鬱埋其實會好辛苦，所以今朝講完用實質行動做完之後好舒暢，雖然可能有機會遇上別人心情唔好或者唔知別人想法，做咗可能會冇response或責備嘅後果，但係唔做又點知有乜結果，而今日我得到嘅結果對我嚟講係positive嘅。