幾日冇update日記，呢幾日嘅我病咗，生病除咗令我覺得好唔舒服，同時亦令我唔想做任何嘢…上星期四因為心情舒緩咗嘅關係所以工作效率明顯提升了不少，同事所有嘅request我都會盡量做到最好，這証明了”情緒”的確對其他事情帶來不便；而星期五生病徵兆逐漸嚴重起來，鼻塞令我需要用口嚟呼吸，一路做嘢一路覺得好辛苦，直至lunch出去食飯，同事叫我去睇醫生，我仲極度固執堅持唔去睇，同事同時提醒我公司有medicine，因此食完飯返到office我嗱嗱淋走去食咗粒藥丸，食完感覺冇咁辛苦，但突然嘅生病導致我無法協助上司佈置公司，搞到我覺得唔好意思，而我自己都feel到唔可以再固執，因此放工後即刻走咗去睇醫生；而今日就出咗去掃貨，一個農歷新年原來所費不菲，要prepare嘅嘢有好多…而我嘅病由鼻塞流鼻水到宜家嘅變聲，真慶幸同事嘅不斷催促引致我願意去睇醫生，唔係今次可能會更加嚴重呢！