放咗幾日假，今日開工啦，初一到初三都好少出去拜年，唔知係咪大咗嘅關係，每個節日對我嚟講都冇乜特別感覺，細個就話可以開開心心逗”利是”，大咗個問人攞”利是”都變得唔好意思，返工雖然要做五日嘅daily duties，但做熟咗變得越來越得心應手，要用嘅時間越來越短，已經沒有了迫切嘅感覺，唔選擇放annual其中一個原因都係想攞同事嘅”利是”，點知d”利是”竟然會自動送上門，上年因為入咗去一陣所以收”利是”時印象都有點兒模糊，今年同d同事熟咗，感覺好似唔同咗，收嘅數量同上年對比其實相差唔大，但今年接嘅時候開心d，不過原來派”利是”都有好多講究，同輩結咗婚就唔駛派，嫁咗又話唔駛派，其實派”利是”果個人開心還是接”利是”果個人比較開心呢？全日最攪笑就係有個同事MSN我催我同佢拜年攞”利是”，而今日工作上都大致順利。