口乾、頭重、喉嚨痛直到今日喉嚨痕癢引起咳嗽，由始至終都唔知自己有冇病過，莫名其妙！星期六日照舊hea住咁過，睇咗一陣電視話咁快就到達深夜時分，時間只會不斷流逝，我哋做到嘅只有學會珍惜及善用。尋日阿爸嘅一番說話雖然令我唔好受，但令我彷彿明白咗一d嘢，呢d嘢係我應該正視但原來一直忽略咗嘅，做人嘅學問真係完全唔簡單，一路以來我只識問點解點解點解，一連串問號經常滿佈在我腦海中，其實最簡單嘅技巧我都未能掌握…勤力畀心機做到最好原來係唔足夠，每樣嘢都包括唔同嘅元素，就算呢樣做得好，只要另一樣做得唔好或差勁，provide出來嘅態度或感覺就會唔同，今日無論返工抑或在屋企，都因為缺乏了某種技巧而犯了不少錯誤，我要努力逐一克服各類技巧嘅難關。
