對住第一次接觸嘅事物，人總會顯得不知所措，但只要查究相關資料，就會對該事物有所認識，到再接觸時就不會毫無頭緒，因此搜查資料相當重要。冇電腦用嘅日子真係過得辛苦，搞到乜都做唔到，之前返工講開壞電腦嘅問題，上司除咗同我嘗試分析錯誤地方然後畀建議，還借了張display card讓我暫用，部腦一路都hang hang地依然入唔到window果頁，不過今日畀我整整吓整好咗，實在令人興奮，講起張display card，屋企人嘅唔瞅唔睬性格令我有點兒憤怒，只係需要打電話查詢維修完畢與否都唔願意，成日都話想用電腦，咁簡單嘅嘢都唔肯做，最終咪又係我不大情願致電查詢，簡直無奈極了。
呢幾日return mail數量比之前多，所以要用唔少時間完成，望住一大堆顯示相類似地址嘅信件，極度懷疑虛報資料，尋日差d做到忟，幸好突然一個來電立即舒緩咗我原本煩躁不安嘅心情，驚訝來電者聲音嘅威力。眼瞓係另一個呢幾日困擾我嘅問題，一做嘢就不其然覺得眼瞓，但每逢食飯同放工就會鬼咁精神，真希望兩個situation能夠轉換，係適當時候出現適當嘅狀況。
|
