熱帶風暴帕布走咗都要行返轉頭，真係估佢唔到，結果換來嘅係八號西南烈風或暴風信號，亦令打工仔可以提早放工，不過同時出現唔少鼓譟情況，其實大家嘅目的都係想安全地盡快回家，在鼓譟時又有否試想想交通工具為何會出現該情況該安排，既然明白同一時間大家放工放學，香港人口有七百幾萬，要短時間內疏散人羣談何容易…唔講唔知，對上一次掛八號風原來係三年前，即二零零四年七月份，怪不得好多人都希望今次打得成。