堆積咗一大疊，仲以為會利用好多時間，但原來並非如此，事情同預料嘅總有出入，覺得多時沒有想像中咁多，覺得少時可能需要消耗唔少時間。尋晚又要返學，返完工再上堂真係頗消耗精神體力，對於個導師，明顯地佢知識非常豐富，佢可以一落筆就寫出所有格式，然後快速地填上相對嘅data搵出最後嘅answer，由於佢對課題相當熟悉，因此做數時速度相當快捷，要follow係要有清醒頭腦，不過暫時未出現跟唔上嘅情況，只係發覺自己做少咗revision。屋企部腦尋日已經比同事維修好，尋日因為要上堂要留待今日先搬回家，點知又撞正落雨，惟有用垃圾袋套住，不過返到屋企又發覺上唔到網，幾經辛苦努力麻煩之後終於整好，有電腦用真係好開心，唔知係咪上次搬已經整傷咗自己，今日再搬時feel到勁攰勁痛，幸好今次有人接手。今日返工全日都勁眼瞓，每個星期返完學之後果日都會比較攰，再加上今朝隻腳無端端抽筋，搞到我瞓得唔好，做做吓差d打瞌睡，精神狀態非常唔好。