半年緊密式嘅訓練，Sunny終於嚟到passing out嘅日子，呢個重要嘅日子點可以少咗我做見証，之前見冇飛唔敢同人講，知道可以walk in後又驚其他人要早起床，Sunny你實在諗得太多，幸好我從你blog中得知，繼而向你查詢，唔係我就枉為你asso嘅孖公仔。由於輔警總部距離地鐵站有相當嘅距離，所以我特別提早出門口，幸得細妹詳盡描述，結果到達時間比預期早咗半個鐘。唔講唔知，我可以近距離係VIP Seats睇步操係Sunny一路嘅努力，全班成績排第八，你好勁呀，Madam Chau，我要向你敬禮。