話咁快又一年，大咗一歲同時又老咗tim，今年終於如願以償，可以去Ocean Park玩，腦海中完全冇Ocean Park嘅印象，因為上一次去應該係三四歲嘅時候，多得細妹嘅陪伴，生日去Ocean Park可以免費，如果去Disneyland就會有唔同嘅員工同你講”生日快樂”同卡通人物自動走埋嚟同你影相，我相信去Disneyland會比較感受到生日嘅氣氛，反而去Ocean Park得到嘅只有免入場費優惠，因此當我置身其中，只會感覺到提早慶祝Christmas，完成忘記了原來係生日日子，趁人少迫細妹玩咗比較刺激嘅跳樓機，得到嘅係一剎那嘅離心力，可能Ocean Park focus嘅係觀賞，機動遊戲刺激程度不及環球嘉年華，最深刻莫過於”冰雕王國”，因為著咗羽絨仍然感到寒冷，仲有機會化成為愛斯基摩人。