今日係中一家長日

早咗返去練稿

練到10:00A.M到

已經有家長入場

好似無我小學D人

不過係後台望得唔係咁清楚

校長致辭果時好搞笑

佢話我地學校有5位老師拎行政長官卓越教學獎

但係最好笑的係

佢話拎依個獎係等同於拎電影的奧斯卡

真係好誇張!

成日都係報喜不報憂....

到播我地中一剪影的時候

又播返PATH果段片段...

有我果2張相....|||

下年我地的午飯供應商係帆船飲食公司

我地無去試食

但係睇個樣都幾香幾好食

不過唔知到時係咪真係咁好食

希望唔會好似上年的陽光一代咁啦!

夜晚睇香港小姐

今年的水準好高

好多都好靚

本來睇好2號何傲兒

但係佢都入唔到8強

有d大失所望

之後以為係9號王君馨拎冠軍

出乎意料之外,竟然係3號張嘉兒!

對於今年的香港小姐有d失望.....