今日7點半比人叫左起身,凍到唔想起身,但都係起左身,跟住去昂平360,凍到死呀.......嗚........上到去仲凍呀......好彩有帶暖包.....好凍呀.......上左去大佛...上到去仲凍,我都唔洗行 D風都吹陏到我......好凍呀....我地落呢GE時候買左D標本,本來想買蠍子,最尾買左蜘蛛....落黎GE時候太大霧....咩都睇唔到.....真係"騰雲駕霧" 不過都係凍到嘔血

唉.....今日病到咩聲都出唔到,超沙................... 中午同哥哥出左去尖沙咀買33,今日睇到件啱GE33不過要番屋企......下次再買啦.....

我D功課都未做,聽日又去玩,今日要做曬.....巧慘.........

病到好辛苦呀.......無啦啦又會病左,喉嚨超痛,又唔哥以講野 好辛苦哇............

上次去大會操就暈低,我MISS就叫我去睇中E,MISS話我貧血喎~ 成日叫我睇中E,我先唔睇,D藥苦到死

今日好凍呀!!!!最慘係唔知點解凍病左,尋日訓訓下醒左跟住狂飲水,到左朝早就狂咳.....又鼻塞......好辛苦呀....仲要凍到抽筋,我成隻手全日都係凍咖..

放左學一路行條裙都飛起左 我竟然唔知.........我出去先啦..番黎再打

今日係基督少年軍ge大會操,11點半係中心集合,雞尾仔幫我擦我個銅扣,上左車又幫我擦鞋鞋,辛苦曬!!!過左冇幾耐就到左維園啦,我地成班中級組去左c-25操,都聽唔明個呀sir叫乜,跟住操操下暈左,送左去救護站,又超肚痛,跟住就坐低休息,跟住就冇再出番去操,到左祟拜,d人係度跳舞,好彩冇出到去,跟住就番屋企啦

今日好攰呀!!!!一開始就兩堂中文,都OK啦,跟住到英文,超想訓,到左MATH 出奇地我竟然忍得住冇訓教教, 到地理就對卷,合格呀好彩好彩,到左世史就好悶,今日最火GE呢就係 叫我爸簽名佢又唔簽,又話簽左 勁火。 到左夜晚要番基軍(基督少年軍)我地中級組今日練步操比賽D野,我地狂練SLOW MARCH 我地成班女仔一齊練,跟住緊係度狂笑,到左同班男仔一齊練就狂撞到隻手(好彩唔係右手)

今日就冇其他野啦 88

     ●今日好攰同好凍呀!!!!!一朝早都唔想起身,因為巧凍嘛,我怕凍凍的 呵呵!!!唔想起都要起(慘慘 嗚......)我一出街先發現屋企真係太暖啦, 好彩番學ge時候攞左個暖包,好彩好彩 ,今日上pe呀 唔知點解隻右手訓訓下無啦啦好痛,今日做左咁多下掌上壓 我隻手唔洗要啦..... 又要跑黎跑去喎 搞到成身汗,最憎pe。 跟住就到家政,成堂同呀妹傾計,到左lunch,我地食完冇野做就走黎走去,lunch之係就係兩堂通識,我又唔小心訓左,中文之後就放學啦

   番左屋企之後就睇電視,睇完就做功課,今日好少功課咋,好開心呀 估唔到我通識都合格啵,luckylucky!!!!今日上堂玩塗改液,某人玩到成手都係  呢排懶左呵呵  今日係咁多啦 各位88

    好耐冇打啦!!!! 上星期統測,第一日考中文同地理,大陪份都識,除左地理果份英文卷,睇都睇唔明。第二日考MATH同通識(我爸話通識 對我黎講係通通唔識 講得啱 我真係唔識= =),第三日考中史同科學,中史背斬冇背過 ,第4日就係考英文同世史,到左第5日,最無聊的,一朝早番到學校,考一份卷,9:30放學= =學校得門冇野做 特登用一日時間黎考一科= =。

    星期五我地基督少年軍 中級組教我地織頸巾,我咁蠢緊係唔識啦,織到我超火,仲要有條友係度嘈,真係忍不住要沖過去打佢,我都唔明點解佢咁多野講,我地成班女仔都話佢煩,仲要係度講,跟住我終於識織小小啦,不過要番屋企啦,唔想番,番左屋緊係問我!媽媽點織啦,織織下點知D毛冷打曬結,我媽媽又要幫我啦,辛苦曬XD。嘍住我成個星期6都係度織織織織織織織....................... 星期6媽媽幫我拆左再織,全日又係 係度織織織織織織織織織織...............................織得靚左好多 嘻嘻!!!!!!!!!!!!

    講番今日先啦,今日派中文,英文,math,scj,中史,世史(我記得ge就偽咁多唔知有冇漏)中文就58,英文68,math就63同32.中史唔合格 得45分 失敗!! 世史我71分,scj就係68同19,啱啱好合格 呵呵,今次都好好啦 希望其他科冇唔合格啦 呵呵 有蚊以黎第一次全部合格 呵呵。

我呢排唔會上黎打咖啦` 就黎exam

今日好辛苦同埋好悶呀!!!!一起身隻腳同薄頭都痛到死(最憎P.E),搞到我行路要行到成隻企鵝咁。番到學校又差D欠交功課,一開始就兩堂CHIN好彩個MISS冇番,自修XD。跟住就係兩堂ENG,悶到嘔血,想訓又冇得訓。跟住就到我最憎的MATH,佢講ENG,我又冇聽,淨係望住個鐘,終於放lunch啦,食完野同左銘佢地去玩,跟住企左係班房到飲野,條友都唔知係唔係kai咖,一日到黑係課室跑黎跑去,仲撞到我,撞到我都算啦,仲要一句sorry都冇,冇d禮貌(同某某人一樣)。跟住到geog,又係超悶,到左我最最最最最最憎ge世史,好悶呀,又唔係唔可以訓,好想坐番去後面呀!!!!嗚.......

放學ge時候銘同負心人係出面等我地,跟住又比佢地拉左去昌盛 唉.......腳痛呀!!!!

今日有某D時間就好悶(好彩今日冇MATH) ,今日朝早交功課發現份小測冇帶到,超驚又欠交,點知原來唔洗交,嚇得我呀!! 跟住就係兩堂ENG 好鬼悶呀,係度講EXAM ge 範圍,我全堂都係度望住個鐘,跟住就係P.E.,換完33就係到同班fd一齊玩,肥琳比我改左佢做花師奶,呢堂P.E.,一開始就跑3個圈,最憎跑圈,次次都跑到我死死下,跟住就係來回跑(又係跑T_T),跟住就到兔仔跳or鴨仔行。我choose左兔仔跳,跟住就係掌上壓(so easy),跟住就係體息能,我掌上壓做左廿下,sit-up做左27下,跟住就係睇下你有幾大力,我左手27 右手25。一堂P.E就冇左啦。跟住到左家政,我地係度剪布。lunch time之後搵左銘去玩,叫佢陪我周圍行, 跟住就係 係班房門口玩,果個死柒頭無啦啦係度玩我塊面,超痛囉,成塊面紅曬,都唔知佢係唔係痴線咖。跟住銘又陪左我上library,跟住又落番黎啦,之後就係閱讀時間,睇d english street(英文報紙) 跟住就係通識,今日原來要小測,我完全唔記得左(呢排記性超差,尋日唔記得左要學琴,miss黎左先醒起,搞到我沖沖下涼要走番出黎),話明唔記得左我緊係又冇溫啦,又唔識。到左中文堂,我地班無啦啦有條友係度灑功夫,比miss改左做功夫王,蜘蛛就無啦啦係度 say english,比老師叫佢抄"是的"廿次。放學就同呀媽佢地去左圖書館,跟住放學,行到差唔多到雍盛,銘係果度等我地,

跟住就去左ok。 跟住就番左屋企啦!!

好開心miss推舉我參加傑出學生選舉,努力努力

今日都可以話過得幾開心下,不過呢又有D連堂,一開始就係兩堂MATH做小測(英文卷),我做左十分鐘左右,就做完啦,大部份都睇唔明,亂撞的。跟住就係兩堂ENG(OH MY GOD),派左份小測,我得個25分,o岩o岩好合格,不過又一定比人鬧。跟住係Putonghua,我地要默d唔知咩,下一堂就係geog,地理又要小測,我溫都冇溫過,一定又係好低分,唉......  跟住係chin,做聆聽。到左兩堂科學,做個極無聊的實驗。放學要去搵Mr.makie,佢要教我地d發音(參加左獨誦),我個陣就笑死,幾乎成堂都係度笑。真係超好笑,跟住就陪呀妹去買野食,我地買左一枝沙冰一齊飲,我又比佢拉左我去昌盛,跟住又比呀衣拉左去陪佢買野,番到屋企仲要做埋班會d野

                                                     The Hens

The night was coming very fast

It reached the gate as I ran past

The pigeons had gone to the cower of the church,

And all the hens were on their perch.

Up in the barn,and I thought I heard

A piece of a little purring word.

I stopped inside,waiting and staying,

To try to hear what the hens were saying.

They were asking something,that was plain,

Asking it over and over again

One of them moved and turned around,

Her feathers made a ruffled sound,

A ruffled sound,like a bushful of birds,

And she said her little asking words

She pushed her head close into her wing,

But nothing answered anything

上面個D就係比賽GE文章 我要背曬佢( 救命呀D字好鬼死難讀)

我MISS揀左我去參加傑出學生選舉,呵呵

今朝我好遲先起身,番學差D遲到(我未遲到過)次次都係啱啱好番到(LUCKY!!!)今日呢就係好悶GE一日,because今日冇一堂係我鍾意ge,

一開始就兩堂math(好憎math,仲要係用eng教),跟住就係va,va堂就係畫自畫像,我畫得好樣衰呀,仲要我畫兩次,跟住又靜物素描,咁樣畫畫下又無左一堂啦。跟住呢就係科學,又係無聊ge一堂,係計一粒石,搖一次要幾多時間,咁樣又無左啦。跟住就到我最憎ge中史,係講d唔知咩,一d都聽唔明,聽落去就好似個老師自言自語,咁又過左一堂啦。到左lunch time啦,今次我冇落去買野食,我帶左飯黎食。lunch time之係就係r閱讀時間啦,我係班會主席,張sir就叫我打一張唔知咩比佢,跟住就到左eng,我上堂上到超眼訓,又唔比訓,唯有係咁攞個頭黎撞長,終於撞到唔想訓啦,到左中文,就做聆聽,咁就放學啦。放左學之後上左英文室,4點幾走左跟住就同d fd買左d野食一路食一路傾,傾到5點半,咁就番左屋企,番到屋企先醒起自己要打針,又落左去打,打d唔知咩預防針,呢種針一共要打三枝,今次打左第三枝唔洗再打啦,一枝要成$1080(貴到嘔血)。打完針隻手超痛。

    一日又就咁冇左,番學的日子永遠是無聊的= =

←今日札番學的

※○※今日係星期一,又要番學啦,今日好唔夠訓呀,尋日喊左兩次,訓完起身對眼腫曬

朝早成七點半先起身,再沖下身,札下頭髮(今日唔係左邊分界,放左d前陰落黎好似女鬼,我將d頭髮整左上去)都已經都七點八,緊係拿拿林攞野番學啦

無左d陰姐住,好曬呀,今日係學校又一次無訓教啦(坐最前好難訓到教),今日英文小測,我亂做的(嘻嘻),大部份時間都係度發呆(呆呆的)

           今日中午我又冇食啦,都唔知係第幾次冇食,瘦左好多。中午選左個新ge女班長,好彩唔係果個粱梓瑩(←柒頭一名)做,如果唔係就天下大亂了, 新女班長我的呀媽做左(唔係禾真的呀媽)。跟住就放學啦,今日又留堂,無交功課。

番到屋企就玩左陣電腦就同呀媽出左去買送,撞到李成賢同楊文科(咁都撞到佢地= =),

無無聊聊咁又過左一日啦!!! ※●※

今日去左龍鼓灘摸蜆 我地一點幾出門口 搭車去屯門 再搭輕鐵 跟住搭巴士去龍鼓灘

去到之後呢 就係度行啦 跟住我哥話潮漲喎 呀ken 又話潮退 都唔知聽得邊個 行行下見到一d人釣完魚上黎

我地就走左過去 見到 一D好大條ge魚啦 又有一隻超惡ge蟹 仲有一條雞泡魚 呀ken個女友睇到都流曬口水(我雖然為食但係對魚無興趣)

最奇ge呢就係d沙係黑色咖 (好彩今次無著高跟鞋) 我地由尾走到頭 一路上見到d唔知咩蟹d洞 佢地d洞隔離 唔知點解有d一舊舊ge沙(有冇人可以答到我點解)

我地幫佢拆鬥 跟住呢 我地以為會有蟹仔啦 點知原來係無ge(失望) 跟住我地就懷疑d蟹都係黑色ge  我地行行下呢 有d水沖左上黎 搞到我成對鞋黑曬

我地一路行一路挖 點知跟本就係無ge 我地走左過去d石到 爬左上去 係上面有d石呢中間有水 果度有d魚仔咖好得意咖

跟住我地又走番過去 行行下又潮漲 跟住就走左啦 我地d女仔就坐左係籃球場d櫈到 d沙搞到我成隻腳黑曬 又有好多蚊 我哥同呀ken去左睇d唔知咩

跟住有個女仔揾到個有水喉ge地方比我地沖走d沙 沖完之後啱啱好有車搭 (lucky!!) 搭完車又搭車 跟住去左食野 呀KEN同佢女友上左黎我屋企

呢一日就係咁冇左 最無奈就係去左個到蜆又摸唔到,又整到隻腳囉 搞到我累到死 真係有冇搞錯= =

有冇人可以答到我點解D沙係黑色 番到屋企都6點 早知留係屋企訓教好過

今日九點幾起左身啦 一起身,食粥啦 食完之後呢 無啦啦超想彈琴就走左去彈琴

彈完琴就10點啦 跟住我就攞埋3 褲去洗白白啦 跟住我媽無啦啦超火喎 就對住我黎鬧囉

我由一開始沖到沖完,佢一直係度鬧 都唔明點解佢可以鬧咁耐囉 

跟住呢我又走左去彈琴,彈彈下佢又無啦啦走埋呢喎跟住又係度鬧

不過又唔怪得佢啵 佢更年期嘛  無辦法啦 唯有日日比人鬧T_T

今日係中秋節啦 中午GE時候去左呀婆屋企喎

去到之係就係到玩啦 跟住無啦啦有條仆街係到食煙喎

佢明知我最憎人食煙咖啦 仲要係我呀叔喎 叫佢唔好食又好似好冇禮貌咁喎

跟住我就忍啦(鬼叫佢係我呀叔咩) 我忍左差唔多半日啦 佢仲係度食喎

搞到連寫字樓都係煙味 又整到我狂咳  到左10點幾啦

我真係頂唔順佢 走左出去講 邊條友係度食煙呀 又同呀媽講叫佢地咪再食啦

都唔知佢地係唔係ON 9 隻耳仔有問題 仲係度食喎 超想爆粗鬧佢囉

但係鬧左佢又會比呀媽鬧我冇禮貌喎 條條友都ON 9咖 一日到黑係到食

超憎D煙味囉 都唔知點煙有D乜咁好食 又臭喎 ON99咖

最衰就係電話冇電 又唔可以傾電喎 頂佢個肺呀

搞到我成身煙味囉 又冇帶3黎換喎 成身都係煙味好撚難頂呀

不過有樣野超好笑 我玩爉燭ge時候竟然燒到自己d前陰 (好心痛呀!!!我d前陰呀)好彩呀媽睇唔到 跟住入左toilet 剪左d燒到ge前陰 好彩唔係燒到太多