好多野想講，就由上星期日講起(5月31號)

果日係"佢"生日既前一日，我、佢、俊同然去左唱k，途中肥俊成日串佢，真係好想打爆俊個肥肚腩

唱完k之後，本身諗住同佢一齊去mk睇"d野"，但係俊又驚我整唔切個生日蛋糕(順帶一提，我第一次整生日蛋糕俾人-.-)，所以俊叫我番去，但係我又唔想無左一個同佢行街既機會，點知佢竟然話：我生日，我話事，一齊番去

最後搭巴士番去東薈買材料，途中佢可能眼訓，訓左係我膊頭上面，真係好似發夢咁　(俾俊偷拍左幾張相>_<)

買野果時，我先發現原來我屋企真係乜都無，全部材料都要買－－|||

之後，我地4個人上哂我屋企整蛋糕，不過我全家人都係度，最煩係ar媽，成日行黎行去，真係..... 最搞笑係個廚房唔夠位，d野放到周圍都係，搞到好亂。　哎吔，佢切芒果果時唔小心切親隻手指，重要係切左３刀，痛死佢啦 T^T 

""你知唔知呀，傷在你身，痛在我心呀""　>_< 

整完之後，我送左佢番屋企，途中，我地傾左好多野，我好多謝你，多謝你既担白！

食完野番到去成9:00，重要洗番哂d野，加上重要做埋d功課，勁忙，不過好采我都趕得切係11:59打俾佢，同佢倒數生日，點知佢訓著左......

到左第二日...終於到左佢生日(6月1)

呢日係我成個月最忙既一日，朝早芷終於俾到張卡我，我又要整靚佢，又要俾d老師寫，放午膳我連晏都無食，既刻去買多張卡黎做封面，跟住番左屋企切埋d芒果做裝飾(ar媽又嘈我)，番到去差唔多遲到。到左放學，我乜都唔理，沖番去拎個蛋糕番黎，趕係佢放學前拎到番黎，重要拎張卡俾其他老師寫，差d趕唔切._."

佢黎到之後，梗係切蛋糕la，點知......個蛋糕....(哈哈...明嫁la....唔洗我多講)

雖然今次個蛋糕唔係咁好食，不過下次一定會再好d　@v@

汁哂d野之後，我同佢一齊走，我地一直行，慢慢行，行到去唔記得咩逸樓樓下，放低哂d野，企係度傾左好耐,好耐，終於唔洗倒數la，今日佢又大一歲la，今次亦係我第一次為一個女仔做咁多野既生日，我為左佢，安排哂我能力範圍以內做到既野，因為我知道佢先係對我最重要既人，果日真係乜都唔理，豁左出去，換來既係一張笑臉，我已經好滿足，希望下一年都可以陪你過生日

待續......

第一日寫  ,  唯有講番之前d野la ~ (有人想睇)

係好耐好耐以前，有一個王國，個王國叫做肥熊國，國王都幾靚仔下嫁ccc ~

佢成日叫自己做朕( 寡人---"單身果d人" ) 性格一向都比較自我中心.....但係....

有一個人出現左，佢就係 " 某人" ， 改變左國王既一生，當年國王係中4

國王開學果時參加左一個戲劇培訓班，班中重有一個叫 " 肥俊 " 既小朋友( 同國王一樣咁大 =.= )

之後....( 刪1萬字，中間真係無乜野好講 )

直到有一個放學 ( 淨係記得係星期5，唔記得係幾多號la )

果個男唔男、女唔女既ar sir 叫我做男主角 ( 不過我都知一定係我嫁啦 ，原因只得一個：靚仔　無計la，天生嫁

不過同個女主角真係3唔識7，野都未講過10句，所以排過時米我有我排，佢有佢排，無乜溝通，做好自己本份米算lo ( 不過當時好鐘意佢句 " 咩意思呀 " )

大慨係因為日對夜對既關係，開始多左野講，都好似fd左

直到４月１５號，果日係劇團要出去上文中心上堂

呢日上堂中途都好似無乜野發生 ( 最特別係識左芷婆婆 )

但係一番到去就出事la，我沖涼同食飯果時，會不其然地諗起佢----女主角

我msn個名都唔知點解會咁改：雨中的你更顯嫵媚，愛上的表情同埋神態

由果一刻起，我知道我已經泥足深陷la，我即刻問肥俊，佢答我：你今日係咁望住佢，我都get到d野

我決定唔諗佢住，點知第２日又要番去練劇，又要面對佢la

我最後果日都係集中唔到練劇，唔敢望住佢

之後果排日日都有去搵佢 ( 重要係成日搵 ) 搵排劇同對劇本做借口

因為5月8號要初演，我同佢日日都練到6:00先有得走

期間，miss張寶珠對呢次初演勁緊張，樣樣野都話唔得，改黎改去，煩爆

重點在於佢話女主角做得唔夠好，成日話佢、鬧佢，我竟然會心痛

有一日，女主角終於忍唔住，喊左出黎，我真係第一次俾人搞到手足無措，好想安慰佢，但係個腦好似實哂咁，乜都諗唔到，好彩芷黎左解圍，重同佢第一次２個人一齊行番屋企

番到去，佢加左我msn，由果日開始，我既生活方式改變哂

日日放學都同佢一齊行番屋企，番到去沖完涼之後就同佢傾msn，傾到10:00先訓 ( 中途有do功課 )  日日如事 ，順帶一提，我以前放學番到去就沖涼＞功課＞訓晏教＞食飯＞打機＞訓教

肥俊同芷知道我鐘意佢，佢地都無反對，但係叫我唔好同佢講住，驚如果衰左可能會影響到套劇，叫我忍下先，我米聽佢地lo，我係咁忍、係咁忍，搞到我好多日都訓唔到，太掛住佢la，重要排劇果時要扮無野，msn果時又唔可以講d相關既野，真係忍到想死

直到５月１３號，我終於忍唔住la，被佢問到我講唒d野出黎，佢重同我講：下...你講笑咋？　真係有d想跳樓，即刻打左俾芷，問佢點算，芷幫我打左俾佢 (內容唔講)

結果係：等收通知．．．跟住又同佢傾msn ( 諗起都好笑 xD)

第二日(５月１４)番到去死撐，扮無野，好似冷戰咁，無乜傾計

放左學番到，又on msn，我改左個名做：曾話過愛着你，心就一定唔會變，我一定會等

跟住食完飯見佢on，佢個名係：.......重要等咩?

果一刻，我發現呢個世界真係有奇蹟嫁

我即刻同佢表白多次，我同佢講我會改唒我d缺點，佢同我講：我就係鐘意你d講野語氣，唔洗改......

之後講左好多野，佢終於應承左我　^3^

跟住2日我地都開心咁過住平凡既生活，不過msn同講電話既時間就多左

５月１７號( 星期日 )佢上左我屋企教我整花，但係學極都唔識，最後佢幫我整唒>3<

直到５月２０號，我地既感情再進一步，佢午膳上左我屋企食，果日我１３：１４分（夾埋日子係５２０１３１４）同佢講：我真係好鐘意你.....放學既時侯，我地唔想咁快番屋企，係逸東行左幾個圈，途中，我鼓起勇氣，拖住佢對手（大手拖細手xD) 慢慢行，我感覺到時間慢左１０倍以上，真係好神奇！

相隔４日後，即係５月２４號( 星期日)，我上左佢屋企幫佢補中史，補補下俾部電視吸走左，我地兩個坐埋一齊係度睇，佢好主動咁牽着我隻手，依靠係我肩頭上，真係郁都唔想郁，之後入左佢房，傾左好耐，時間過得比平時快得多，２：００我地出左去行下，３：００就番左去佢屋企。佢話佢媽咪３：３０放工，所以我話３：３０走，佢竟然傻到倒數，我真係唔想走嫁，不過唔想俾人發現咋。個傻女聽到我話走，我睇得出佢好唔開心，我個反應就係...錫左佢塊面二下，我地就開始攬埋一齊，足足攬左超過１０分鐘，期間佢都好主動錫左我一下，重有我應承過補番前日既goodbye kiss俾佢，不過唔係錫面，係接吻，始終我都係３：４０先走，臨走前我都俾左個goodbye kiss佢....番到去就做功課....唔少得梗係傾電話la

唉...５月２６號有個唔開心既消息，佢無得做女主角，我睇得出佢好唔開心，因為我都係，我用我的吻令你擺脫煩惱.....""不過你唔好喊，你應承過我嫁，我可以為你分擔一切！"""