第一次醉住去做嘢，堅醉，一個人飲真係好快醉了！！！

原來我傷過佢，但佢有用過心咩？我唔知，可能我認為冇所以後來先會咁！

用時間嚟證明？用時間嚟治療？治乜鬼療？愛就愛唔愛就唔愛，一句啫，我好痛吖個心，我真係好痛吖，我想知我付出嘅到底有冇收獲，我真係好驚失去！因為我愛咗，我知我愛咗，我從來未試過咁愛一個人，未試過咁去為一個人！點解個天要咁對我？

我真係愛佢，有冇人可以同我講，我到底應該點做？我唔係因為關心而唔捨得佢，我真係愛佢，如果連自己感覺我都feel唔到，我仲講啲乜！

點解佢唔信？點解佢唔肯為我賭一次？

 給自己放眾一晚，哭一晚又好，點都好、一個人癲

 听听吓歌，唔知我為佢寫嘅歌有冇機會唱畀佢听，只要過咗哩段日子，我就會唱畀佢听！希望可以！

 今朝發咗一個夢，一個同平時唔同咗嘅夢。

冇咗佢嘅出現，得我一個人，唔記得自己去咗邊個國家，得自己一個係嗰到過節！亦都唔記得係乜節嚟嘅，好似倒數咁啦！係一個夜晚！

感覺到自己個心好冷，好漠視，如果夢係一個預料又係講緊乜呢？唔中意哩個我，唔想做番哩個我、

 唔知老婆大人，知道咗我記得咗畀咗佢密碼，佢仲會唔會睇！嘻嘻，咁我冇諗過就算佢有睇，我又會有啲乜忌，我都會就咁打心事！因為只有哩個po可以畀我盡講心事嘅地方！

哩排我都過得好幸福，今晚終於又攞番本嚟嘅問題出嚟傾了，仲多咗好多，其實好多嘢都係大家做成，令到我都失眠咗！

吖東，其實如果唔係老婆畀咗佢希望佢又會咁咩？佢有乜心思真係白痴都知，如果我冇估錯佢都係𠱁想係揾個情趣，雖然我對佢唔係耐，但我大概自大啲講句應該冇估錯了，原因係佢見到老婆咁都肯同我一齊。哎，佢當時話上咗老婆屋企又想表達啲乜我知吖，其實我一直介懷嘅咖哩雞我都已為係屋企樓下，點知係樓上，我唔係唔信老婆所講嘅嘢，只係咁的確畀咗個希望人哋！佢會得寸進尺我都明點解！其實怪只可以怪自己，點解當初要畀自己保持距離先會咁啫！如果唔係，我諗佢都會保持掛！

我真係好驚老婆會走，我唔知係咪我細路囝，我唔想揀，只要有一線生機我都想爭取，我都想去為佢揀佢！但我真係好驚！咁多次嘅夢話咗畀我知，我真係會驚！真係會唔捨得，真係愛了！

哎，佢啱唔啱我，我真係唔知，但我肯為佢而改，而變，太子杰講過，肯為一個而改而變咁你就要珍惜哩個人了，我都明，我都珍惜吖，但係個天肯咩？我真係想佢肯，我真係想佢會！

龍，求吓你畀次機會我，畀一次我可以同蘇鳳君一齊一生嘅機會吖，我真係好驚吖！我好驚會冇咗佢！