終於睇完佢空間說說，我見到係佢哀傷嘅日子入面，我都好唔開心！

我冇合醋，但我好單，我感覺佢一直係哀傷嘅日子中，我唔知講乜好！

係我人生中太多無從選擇了，我都知今年係一個轉折點，但我所選擇又會點呢？

我同佢講，佢以前點我唔知，佢嘅以後我想陪伴佢，我希望我真係做到，我捨唔開佢！

發好多次夢佢都會走，我好驚真係會，係咪一個預料？我希望唔係！

以前我認為一種正能量，我番嚟後，都冇用過，但我哩段時間真的用了，因為我好驚失去佢！

今朝我諗過，對對錯錯都係我嘅錯，佢的確有時畀唔到安全感我，而我亦想一份簡單嘅愛，佢畀唔畀到我，我唔知，包括依家我都唔認為簡單但我愛佢，包括原來自己本心變咗都唔知，一份簡單嘅愛，原來只要係佢，簡唔簡單都冇所謂！

我好想同佢一直咁行咁走！過多十三日，我足足介咗酒一個月冇飲過！亦都證明咗我肯為佢改變，包括冇撩女囝，冇同任何人有曖昧嘅嘢出現！朋友我都保持距離，因為我唔想佢唔開心！

我好軟弱，我怕抉擇，但我更加想去簡單啲一條路，我想哩條路係我同佢默默咁過，直接咁愛！

我真係好驚會失去佢，佢唔靚，身材亦唔係話好，但佢會關心我，雖然佢哩份關心，我唔知係咪對任何人都係咁！雖然有時佢對其他人都係咁，我都唔知，但我就肯為佢，為一個肯改變自己嘅人，我認為值得！

 其實有時係咪唔好講咁多呢？收埋啲秘密會唔會好啲？

哩個世界真係好細

 家，一個希望，一個問題，我畀唔到答案，因為我唔敢保證自己做唔到嘅嘢

每次都係嘢啲問題，好悶，真係好悶！就唔可以簡單啲咩？

冇耐冇打過日誌了，尋日睇番以前啲日誌先諗住寫番、

依家到底係點？其實係咪我成日亂諗呢？我真係覺得我冇乜安全感嘅！

好多嘢，又嗰样，又哩样，其實係咪可以好簡單呢？每個人係咪可以做多少少或做少少少就得？

自己成日話，愛係包容而唔係改變，咁就算佢咁，我都估到啦，又何必有乜諗法呢？其實自己嘅講法做法係咪都係為咗激佢？如果係又何必？哎

又一個八月尾了！

從前，係一個太陽公公照耀着大地，用佢明亮嘅眼睛望住，係湖邊上嘅一對男女！

個男仔，坐係湖邊欄上，帶住微笑咁望住係步行道上同一隻同主人出黎散步嘅狗仔玩樂！

到哩個女仔玩累了，佢坐上欄上個男仔身邊，望住個遊人同佢隻寵物咁離去！

男仔問女仔“你好中意狗嘅咩？”女仔答佢“係呀，我屋企養咗隻好特意嘅！”跟住哩個女仔突然咬住男仔件衫。男仔玩咗個玩笑“你一定係(熟)狗嘅了！”女仔無答，過咗一陣女仔話“我九月九日生日嘅，同狗好有緣，自己仲好中意狗𠺢！”

男仔用心記住咗佢嘅生日！但係哩一年入面男仔因工事而外出，冇同佢慶祝過，只係網上過咗句“生日快樂”

過咗幾日男仔返黎了！佢托人買咗束花！佢想俾女仔一個驚喜，但又因公事而冇去到，最後束花仲俾咗一個朋友送俾佢女朋友！男仔事後同女仔解釋完，承諾咗”以後每一年都會係你身邊陪你過”

到咗男仔黎到哩個無奈同寂寞嘅環境中，每一年八月尾都會寫一封信，希望可以借此黎表達自己嘅心意，但每一年哩一封信都會俾男仔收起，冇寄！每當想寄時，又會怕嗰樣哩樣！真是懦軟的一個男仔

又到咗一個八月尾了，哩個男仔係哩兩日又寫咗一封信，但都係收起咗，今次男仔心入面，覺得無呢個必要了！失去咗好難再重來，怪只怪自己唔識珍惜！

每當呢個日子，係夜深人靜下，男仔都會回憶呢段畫面，記得哩個女仔嘅，一點一滴，甚至一個表情，一段言語，一種語氣！但哩個男仔去無勇氣去面對了，只停留係回憶中