尋晚幾興呀!上上下網,乜都load唔到,於是我就斷線啦
我都心知不妙架la.斷左線肯定又上唔到網啦!
點知真係比我估中!又上唔到網..都唔知點解甘黑仔架..
我足足試過兩個鐘，都上唔到!超爆興囉!戈刻超想喊呀..
唉....大概差唔多到左3點，我投降啦..
我唔試啦..跟住我入房關燈on居居攤係到，又訓唔著.....
和他sd了幾個msg..5點中到先訓得著...

不知為何很不開心…看到自己間房…很亂…
突然想起我家姐，如果她在的話，一定神早X左我同執返整齊...
我想如果將來沒有她，我間房一定亂到不堪了...
沒有她，睡不著的時候…我一定會很悶呢…
我做了一件壞事…我太自私啦…只顧自己快樂…
想想下…哭了…

今朝10點,媽咪突然大叫我起身，我真係超眼訓囉
訓得戈幾個鐘就叫醒我..
因為今日大家姐和我們全家人去【美高梅】食野..
戈間野個名叫「盛事」，平時係食buffet既..
入面D氣氛同環境都好好個!好舒服呀..
但今日無buffet，只有叫咩黎咩戈種..
我地叫左三文魚壽司、三文魚刺身、芙蓉蝦刺身、海鮮湯、西冷扒、燒大蝦、雜菜、炒飯、
仲有一隻差唔多好似波羅包甘大既松蓉菇，味道勁怪喔!
D價錢超貴...menu上面寫住三文魚壽司 $20..原來係一件$20!有D仲要$1xx 一件!真係好貴..
但係又唔係勁好食戈種囉...最後，我地總共食左 $37XX  ..
食完,姐夫車左爸爸返屋企..我地就去左新馬路行街..
細佬買左件去飲既恤衫同一件polo shirt，媽咪買左去飲既鞋，大家姐送左件衫比我...
之後就回下環街同媽咪買送了.......
買完送返屋企,我就出去搵光去CTM換modem了..
頂..以為換左個新modern就上到網啦..
點知又上唔囉!!好煩呀..

夜晚我食完飯去左來來買左個新既唔知咩插頭試下啦
都係上唔到囉..唉..到左10點幾，光上黎我home幫我整下
佢都整唔到喔......我投降啦..
最終我都係打電話去CTM預約師博黎整..
約左星期一 4:30PM~5:30PM......
希望整到啦...光話應該係我屋企主要戈條電話線有問題..嗯嗯..我都係甘話..
之後我地去黑沙環食酸辣粉，跟住去奧運城越打左一陣機，我就返屋企啦..
奧運城下面戈檔魚蛋檔戈隻八哥同西施搞埋一齊生左兩隻狗仔!
兩隻都K型既!不過好搞笑..
有一隻個得意D..個嘴黑蚊蚊既..不過D毛就好長..整體黎講似老豆!對眼似阿媽!
另一隻醜樣D..個身係西施..但對眼似八哥來的!-.-

仲有呀..
今日係美高梅見到【師拉股神】入面戈個丁兆景 (林嘉華)同佢個老婆、仔
<--------即係佢