今朝9點鐘起身..十分眼訓..訓左4個半鐘咋
光9點半黎到搵我陪我學車..真係好多謝佢..風雨不改都陪我
今日學10點-12點孖鐘. 係苗橋偉教..原來佢係老闆黎ga-.-
佢由得我鐘意做咩就做咩. 甘我就話行4線囉...
行4線又衰係運動場個迴旋處.. 本來我可以靠到埋去左線嫁.
點知殺出一架JR. 係個師拉黎. 搞到我切唔到左線. 甘就飲q左.  如果我今日係考緊車我真係保佢大
後日千期唔好抽中4線啦.. 但係我甘黑仔..
唉..直覺話我知我100%抽中4線啦..抽中4線=飲硬..唉...
行完4線行6線.. 6線easy好多.. 只係漢城戈條路成日都唔記得切返左線..
仲有出街口又太心急啦..唔可以呀!! 後日一定要睇準先出
跟住d時間就係車場到泊位同做3前兩後.. 全部都ok~希望後日都係甘啦~
學完車同光去來來買叮叮野食. 因為呢期無錢..-.-我買左肉醬意粉. 光買左xo醬肉餅飯.
跟住就去佢屋企叮黎食..  兩個都唔好食.. >.<
夜晚媽咪唔煮飯.. 去泰皇買外賣返黎.. 好正喔~
後日後日快要來了~ 十分緊張~!!而家已經有點手震呀....

成日搾電單車曬到黑蚊蚊..好核突囉..
今日學車場超爆曬...
已經搽左防曬+著外套都曬黑-.-痴線嫁