今朝十點幾就俾呀媽嗰4個奪命追魂Call嘈醒咗。唉~ 又要去補習 la。>.<

補完習睇睇鐘，成十二點幾 la，我又冇食早餐，搞到鬼死咁肚餓，又要等呀媽買飯盒俾我返屋企食。

~餓死 la~

食完飯，就睇鐘樓x俠，我都有成十幾年冇睇過 la。唉~ 唔認老都唔得。=.=

睇完就收到一個 call話今晚去BBQ，

正呀，終於有節目la~

五點幾就去買嘢今晚燒~

但係聽講今日鬼死咁多人去燒嘢食。唉~ 又要去逼 la

去到大尾x嗰時，已經見到好多好多人la，所以我即刻撲去睇吓有冇位。

唉~梗係無位la

正當我哋決定要去租爐，

突然有人走，空咗個爐出嚟。哈~真係天意呀!!!!^0^

我哋一邊燒一邊吹水，

燒到10點幾，就搭車返屋企。

唉~真係好累~

今日10點幾起身，跟住就去廁所執返D眼耳口鼻，搞阻15分鐘。

搞完後，就打俾呀倩問佢有冇同呀星講清楚約咗係邊，佢竟然話冇，搞到我即刻抄呀星出嚟，同佢講返清楚!!唉~嚇得我呀

跟住就搭火車到大埔墟等佢哋，一到咗就見到呀星，跟住就打俾班女仔，點知佢哋走咗去富善，唉~等咗佢哋成十分鍾 !!!!

搭火車嗰時，明白到咩叫做三個女人一個墟~佢哋見到我對shoes就係度講shoes，超無聊~

幾經辛苦終於到站~

落咗車，跟住就行去食嘢。我哋撞咗去一間黑店，仲要係賣車仔麵，嘩~嗰度D車仔麵同D雪梨水'' 好味"到呀!!!仲要成30蚊~

跟住就去博物館，睇咗唔夠十五分鐘就睇完!唉~

跟住就行去海旁，呀倩同呀桐佢哋一路行一路發癲。唉~嗰時真係有D後悔同咗2個癲婆出街

一路行一路發覺個海愈來愈臭，跟住仲行埋去新世界，點知愈行愈悶。唉~

行行吓，班Girls話想去飲嘢咪帶佢哋去海港城嗰邊low~

跟住恐怖嘅嘢就發生~

我哋行行吓見到間StarXXXX cafe，我咪即刻撲過去睇吓有冇位。

班女仔突然講有個外國男人雞咁眼咁望住我，仲笑住同我講個男人對我有意思=.=

搞到我走都走唔切~唉

最後我哋去咗MC Cafe!!!~唉

食完嘢，呀倩發現佢變咗做$1.8的女孩

所以要搭火車返。唉~又要行

係火車上面，我同呀星一時興起決定用電話影班女仔，但係班女仔姐到實，仲叫我哋唔好影，但係佢哋愈姐我哋就愈要影到佢哋。

唉~最後只係影到佢哋隻" 天殘腳 "

唉~真係慘淡嘅一日