今次終於要介紹我某一隻以前迷上的Game - GTA2

Grand Theft Atuo 2, Rockstar Games (1999)

GTA2係遊戲界可以話係經典中的經典，係當年好少數擁有高自由度的遊戲。
最大的特色就係以鳥瞰視點進行遊戲同埋可在城市自由移動。
一講起自由度，絕對要一提的就係遊戲係無劇情。
好聽一句：「隨意發揮。」
若果想過關的話都係需要符合特定條件的，
而用咩方法去達標，全部都係自己去發揮。
喜歡的話，妳可以只係偷車遊車河，完全隨得妳。

遊戲裡面，除了殺人放火之外，
駕駛也是一大樂趣。
每一關都有多款唔同的車輛任君選擇，有巴士、拖頭、跑車、甚至坦克。
每款車的性能亦唔一樣的。
而每一關也有一部份車款係獨有的，當然幫派車輛也是獨有車款。
所以係唔同地區，駕駛的感覺都唔一樣。

遊戲裡面其中一個主要的玩法就係接幫派任務。
每一關(即係地區)裡面都有三個幫派，每個幫派都各自擁有2個容易、3個中等及2個困難的任務，
完成任務可以獲得相當可觀的回報，而難度越高，回報亦越高。
當然，並唔係話想做任務就可以接的，
必須擁有對幫派有一定程度的忠誠先可以接受任務。
相反黎講，若果背叛幫派，幫派自然會將妳肅清。
所以控制與幫派之間的關係非常重要。

全遊戲總共有三個地區，
分別係Downtown(商業區)、Residential(住宅區)同Industrial(工業區)。

簡單的介紹遊戲的過關條件，
玩家需要擁有一定金額先可以過關到下一個地區。
Downtown需要$1,000,000
Residential需要$3,000,000
Industrial需要$5,000,000

宜家就介紹一下遊戲中的武器吧，相信大家都非常關注XD

	Pistol - 手槍 全遊戲中最弱的武器(現實上赤手空拳先係最弱)。雖然係弱，但係必要時將會成為妳生存的重要物品。
	Dual Pistol - 雙手槍 那就是兩把手槍，每發當然係兩彈，殺傷力也當然係手槍的兩倍。不過彈道係V型...而唔係面向直線。所以效用比手槍更低。除非零距射擊，否則對未熟練者黎講打中都成問題...
	Shotgun - 散彈槍 射速慢但係近距離戰力非常理想，但一旦距離拉遠，就會變得無用武之地。五星時出現的FBI便會使用這武器。
	S-Uzi Machine Gun - S-烏茲機槍 (簡單點就叫機槍吧) 遊戲中的最易上手、常見武器，最要有任務電話亭，就多數都有機槍可拿。最大的優點就係高射速，攻與守同樣出色。
	Silenced S-Uzi Machine Gun - 滅聲烏茲機槍 性能與機槍幾乎無差異，除了靜音。
	Rocket Launcher - 火箭發射器  具有極高破壞力的武器，一炮一架車，連坦克也要忌它三分。當然，使用不當的話自己也會遭殃。
	Flamethrower - 火焰發射器 雖射程有限，但對付徒步的人十分有效，中彈者必死，自己亦無例外。燒車也有不錯的效果，但小心因爆炸而受傷。
	Electro Gun - 電槍 射程有限，但可以透過導電而進行複數攻擊，對人對車皆可。
	Grenade - 手榴彈 手榴彈就是手榴彈，擁有高強的破壞力。當它是不能飛的火箭彈就可以。
	Molotov Cocktail - 燃燒彈 其實同手榴彈近似，只係附帶火焰而已。

以下的就係車輛專用武器

	Vehicle Machine Gun - 車輛專用機槍 效能同人用的機槍一樣，同樣係高射速。不過槍口改為車頭燈的位置。可以再某些位置得到或係汽車商店以$25000購入。
	Vehicle Mine - 地雷 對車輛專用地雷，爆破力極高，對付目標車輛一流。可以係汽車商店以$50000購入10個。
	Vehicle Oil Slick - 油污 逃離場合時非常好用的物品，可以使中招車輛失去控制，以便逃脫。可以係汽車商店以$10000購入10個。
	Vehicle Bomb - 汽車炸彈 用來引爆的計時炸彈，進行部份任務需要用到。可以係汽車商店以$5000購入10個。
	Water Cannon - 水炮 消防車內置的工具，可以用作救火或攻擊。殺傷力有限。
	Jeep Gun - 吉普車機炮  火力強大的機炮。對人對車都非常有效。
	Tank Gun - 坦克主炮 坦克內置的主武器，等同於火箭發射器。擁有一炮毀車的能力，同時係唯一可以抵抗坦克的車輛專用射擊系武器。

~幫派~

講到幫派，每一個地區都有三大幫派。
而每一個幫派都有7個任務可接。
分別係綠色電話亭(簡單任務)、黃色電話亭(中等任務)同紅色電話亭(困難任務)。

而唔同難度的任務係唔同城市都有唔同的賞金金額。

地區	綠色電話亭	黃色電話亭	紅色電話亭
Downtown	$20000	$40000	$60000
Residential	$30000	$50000	$70000
Industrial	$40000	$60000	$80000

當然，接任務必須要得到幫派的信任。
所以誠信就係一切。
當信任度去到1格時，可以承接的只有綠色電話亭任務。
　
當信任度去到3格時，黃色電話亭的任務將可以讓玩家承接。
　
當信任度去到5格時，紅色電話亭的任務也可以承接。

信任度除左同任務有關，對自己也有好處同壞處。
若果信任度高，當妳在持槍幫派成員視線範圍內，
他們會幫助殺害追殺妳的敵人，包括警察。
但當信任度為負數值時，幫派成員會向妳開火。
而且他們使用的武器層出不窮，非常危險。

提升信任度的方法有三種，
一個就係完成任務，
另一個就係殺害幫派的敵對勢力成員，
又或者在幫派範圍內取得「Respect!」；
減低信任度的方法有兩種，
一個就係完成其他幫派的任務，
另一個就係殺害幫派成員。

~警察~

相信除左幫派之外，警察將會係玩家要面對的大敵。
警察有別於幫派，理論上係唔會係街上胡亂使用致命武力。
他們目睹玩家犯罪時，只會就會立即上前拘捕。
若然事態嚴重，他們會將玩家擊斃。

等級	上方圖示
1		極其量只會派出一架警車，所以最多也只有兩名警員追捕。
2		會派出兩架警車，而警車及警員追趕的速度將會顯著地提升。
3		同樣會派出兩架警車，不過這階段時將會有由路障加上警車組成的障礙設置。
4		障礙存在，追捕妳的除了兩架警車之外，SWAT車(特警車)亦會參與。
5		障礙存在，但警車不會再追捕妳了。因為事件將會由FBI接手，派出兩架FBI車。
6		到了這階段，全城只會存在軍方的吉普車同坦克車。障礙依然存在。

雖然警方比幫派更難纏，但係有辦法可以解決的。
當仍然係第一級時，可以利用藏匿係睇唔到馬路的地方靜候大約30秒，
等級自動會消除。
不過高於第一級時就毫無作用。
所以就要用第二個方法，就係取得「Cop Bribe」，可以立即解除追捕等級。
其實仲有一個方法，就係接任務並完成。
不過這有點難做，唔係太建議嘗試。

或者應該講下一些基本吧

如圖所示，這就是常見的畫面。
左上角的就係信任度計。
通緝等級將會顯示係正上方。
而右上角就係玩家狀態。
分別顯示所擁有金錢、生命值、現所持武器及避彈衣耐久值。
而這出現了兩個乘數，一個為紅色，一個為綠色。
紅色的係賞金乘數，倍化所獲得的金額。
例如乘數為2，當完成一個$30000的任務，所獲得的實際金額會係$60000
例如乘數為5，當炸毀一架值$250的車，所獲得的實際金額會係$1250
而賞金乘數可透過完成任務或者取「Multiplier +1」提升。
而綠色的係重生餘數，每當死亡(無論被殺定係自殺)，將會減少1。
可以透過取得「Life +1」提升。

有待更新~