hi~~

我轉左去打xanga~

你都可以去我個xg到留comments~~~

^^

thzzzz``

http://www.xanga.com/arielfong

88*

 今日我好乖咁樣做我自己既暑假作業同包埋自己d書,做到成3點幾到,咁我就落去睇我既電視啦。睇睇下,我就見我亞媽好似想走,咁我緊係跟住佢架啦,咁我同左我亞媽d fd去買野,之後就去左食野...

咁番到屋企之後,已經成7點15啦,因為7點30個出野我鍾意睇,所以我緊係啦啦聲去沖涼啦。咁我終於係7點30前沖完涼,咁我重諗住有小小時間淨,想入去自己間房整番好頭先包書個d野。

我1入到去,見到自己張枱。我本中史作業既1頁竟然俾我細佬用我支筆畫花左...我緊係飛過去媽咪間房啦,話:[方鈺麟係咪癲架,成日入人地間房到畫人地d野,我張枱到咁多野唔畫,係要畫我本中史作業...]咁我都算啦,落去廳睇電視。我同爹d講:[爹d,我想睇電視呀!]之後佢就話:[下,我想睇le個喎!!]頭文字D渣嘛,去CD店到買都得啦。你由早上睇到宜家,俾人睇幾分鍾都得啦,個出野得個5分鍾,俾人睇又唔會死既。我1個12歲既「小」朋友,竟然要我讓1個差唔多就黎40歲既中年人睇電視???????

我尋晚玩完電腦大約11點幾啦。咁通常我媽咪會係我細佬訓左之後,佢先會去沖涼既。但係唔知點解,我識完電腦之後諗住過去媽咪個洗手間到刷牙,細佬竟然訓左囉,咁媽咪緊係去沖涼架啦。我就係到等佢出黎。咁我聽到d水聲停左啦,咁我咪敲門囉,想俾佢知我係出面。咁佢出黎之後就話:[敲咩門呀?嘈醒細佬呀!]  嘩~我敲門聲都唔叫做大聲喎,老豆重要係佢格離睇電視tim!!嘩!瀨晒我,佢d電視聲重大過我d敲門聲啦!之後佢叫我去哥哥個洗手間到刷,咁我咪去囉。佢就行過黎話:[拿,方曉晴!咪話我唔同你講呀!你想係我沖涼之前刷牙既話,你就準時!]咁我就話:[嘩~你講晒啦,鬼叫今日細佬咁早訓咩,你又唔同我講喎,我緊係唔知啦!]

嘩~老豆又唔話,係到話我~我真係頂佢唔順。