年幾冇更新過個blog啦。
都話女人一有終身事業做緊就冇閒情日致搞其他野架啦，不過都係好事黎嘅。
今年終於（試）升到中六，黎緊九月十月開始就會好忙:(
我希望屋企入面嘅家務有人可以分擔一下啦
我明白呢年半你為我付出同改變左好多，工都轉左兩份，由wellcome轉去跟車，再轉行打呔做地產。
其實我都好想做你嘅好賢內助架@@
諗番起你仲做緊wellcome夜班嘅時候：
我仲未放暑假，想見你就要等到凌晨三四點鐘 你地放工去食早餐先可以見。
之後又吾番學 一齊去玩呀食呀。仲搬埋黎一齊住咁
到穩定落黎之後，你轉左出去做跟車，希望可以塭多啲，我都明架。
過左一個月之後，我有一朝早送左你出門口之後訓吾著，就爬起身幫你寫左個number嘅數紙，希望可以為你帶來方便，可以有個數字喺度睇住，鼓勵下你咁囉。二來想為你做翻多少野。
每個月為你塭printer再去fax嘅日子持續左一年之後你又出左黎做地產，不過今次真係冇得懶，我每日都幫你洗衫晾衫燙衫，如果我冇燙得筆直有摺痕嘅話，人地會睇到架。吾知人地會點諗，可能會覺得你屋企個女人冇幫你整理好啲野，冇為你打理好番工嘅衣物咁，屋企入面嘅野人地未必睇到，但係衣著呢啲對外嘅野冇做好嘅話，人地一定睇到，所以我一直都堅持要做好對外嘅野先。屋企入面嘅事放第二，而我又要做埋自己啲功課咁，所以屋企入面成日都好亂，對吾住。
今朝我突然情緒化想你留喺度陪我，我真係有少少吾開心，其實你轉左出去做地產之後，一個禮拜起碼三日係超過十一點先翻黎。
你成日都話要為未來 以後設想，我明。不過我更加睇重現時嘅享受同相處，因為冇人知究竟聽日會發生咩事，我好想珍惜同你一齊相處嘅每一分每一秒，吾知你又明吾明呢？
你今朝話想一切settle好先至真係喺埋一齊，我明白你真比最好嘅野我，而我又好天真咁講過想有自己間屋，其實我冇心比壓力你架。我想要簡簡單單嘅生活，同你一齊就得。
之前一年咁辛苦都一齊捱過左，希望未來一年都可以順順利利咁渡過啦。
|
