本身今日諗住早d訓.....但係都係好驚.....
話就話信任佢地....但係手心係肉...手背又係肉....
秀秀宜家立場會好辛苦.....
大米我就唔知.....佢應該無咁大問題.....在在都一樣....
佢地兩個對cre-beau仲未有太大既聯繫....仲未完全綁死....
如果佢地要斷....應該都無問題.....
只係秀秀.....秀秀唔好再聽其他人講啦....
你自己真正問下自己想點.....
你係想繼續歌唱夢想....定係聽家人既說話離開神起.....
有d覺得好似好似H.O.T. 我甚至諗緊我宜家係唔係發緊夢.....
當年.....H.O.T.解散.....
leader 文老大留低.....即係好似浩子咁....
但係浩子係更愛sm家.....佢甚至無諗過合約問題.....
佢係神起入面同sm家關係最好....畢竟佢係leader....一定要同公司搞好關係....
加上又一直係公司既寵兒.....浩子係絕對離唔開sm家....
而kangta就係昌珉......因為組合入面....係我眼中昌珉係最容易塑造既一個....
唱歌演戲甚至CF....即係做埋model都無問題.....因為佢真係完美既外形....
加上昌珉無爭奪心.....佢係好鐘意平凡生活既人....
所以sm家控制佢係好容易....當然會留佢.....
而另外三個離開.....應該唔係真既....我好驚......
我相信佢地唔會離開神起.....
但係.....cre-beau既問題.....秀秀真係唔可以話斷就斷.....
sm家都唔會放縱神起....任由佢地免費宣傳.....
唉......
我以前曾經諗過....sm家咁刻薄....不如神起五子一齊離開...好似神話咁....
但係....我太單純啦......
浩子會係第一個反對......昌珉就會無所謂....但多數會留低....
在在既話....睇下佢個人感覺....在在宜家好似應該決定留....
訴訟都唔會係解約lor.....
大米同秀秀係最唔穩定......特別係秀秀....聽家人既話未必係最好架....
大米我諗佢會跟在在留....但係佢都唔想得秀秀一個要走....所以佢會猶豫....
而秀秀....當佢諗通...我相信佢會明白.....神起係佢第二個家....永遠.....
今次件事會有無數既結果有機會出現.....我就試下講幾個啦....
１）sm家退讓.....修改合約.....願意係某程度上俾神起自由....
但係呢個可能性我諗幾低....就算滿叔肯退.....
cre-beau既代言費絕對唔低.....sm家一定要係cre-beau賺番d錢先肯放開.....
２）sm家唔肯退....米秀在退讓....減少cre-beau活動入面公開露面....
但係同時必定會影響銷量......要睇下佢地點諗.....
but 我諗佢地同sm家.....甚至同浩子之間都會多左隔膜....我唔希望會有呢d情況....
３）兩邊都唔肯退.....所以韓國方面解散.....
但係avex係日本約....所以tohoshinki應該會繼續....
４）就算係真係解散....都會有唔同情況...邊個留....邊個走....
浩子...昌珉就一定留....在在都話暫定會留...
大米都好大機會同在在一樣留.....
而秀秀.....就要睇佢點同家人商量啦.....
５）happy ending.....乜事都無發生.....繼續keep住宜家既情況....
米秀在繼續cre-beau活動......米花就二重唱.....
浩子昌珉拍劇....秀秀代言......等件事冷淡落黎再慢慢諗.....
係就係幾完美....但係無可能- -v
今日有人up左a-nation既相....五子齊齊整整....希望無事啦....
仲有....消息話2/8 or 3/8會有記者會.....我諗無事...只係交代下事情發展....
加上仲有三巡呢....上海站10月....佢地絕對唔會輕易散....
相信佢地....believe.....
好啦...唔講啦....我要訓.....聽日要早起~><~
|
