岩岩又諗起龍櫻.....入面講過一段說話....

點解d細路對揀高中完全唔在意....

表面就話父母會幫我地決定好哂....我地都無得揀....

其實係因為佢地係一個佢地唔注意既地方....同父母撒嬌.....

因為有父母係到....佢地一定會幫你揀一間好好既高中....你根本就唔需要擔心....

因為....父母已經幫你擔心哂.....

但係....當佢地突然有咩事既時候.....你身邊突然發現佢地唔係到既時候....

你會好辛苦....

因為以後發生咩都事好,,,無人會再企係你面前....幫你遮風擋雨....

我地每一個人既父母.....都係無意識地將我地變成溫室入面既花.....

但係人始終要大個.....好慶幸....我唔係果d被逼長大既人.....

我仲可以係父母身邊撒下嬌....做佢地眼中永遠唔會長大既孩子....

突然多愁善感左......唔知咩事呢.....

可能係唔慣媽媽平日唔再係身邊.....

可能係發現左我都係果d好鐘意撒嬌....但係一直又唔肯認既人啦.....

其實....由細到大....媽媽爸爸都係要番工架啦.....

都咁多年啦.....最少都9年啦.....平時爸媽都係要番工既....

只係呢一個月突然唔多習慣組....

遲下開左學....我都要番學既時候....

唔係自己一個係家.....或者就唔會有d咁down既感覺....

但係我突然好想講....珍惜你地既父母....

因為.....當突然間...你見唔到佢地....你又突然間好掛住佢地既時候...

你真係會好唔開心........

我宜家真係真係發現左....我都俾人縱壞左><!!!!

或者係我真係仲係好幼稚....

其實....我真係好想每一日每一日都同佢地一齊....

俾人錫真係好好.....

平時雖然成日都話佢地好煩....佢地點點點....

但係.....我好似無講過.....其實....我都幾開心有d咁既家人.....

雖然有時有d野唔係我可以接受.....但係.....佢地無我想像中咁差.....

p.s. 我諗最主要係因為....平日佢地要做野....真係無乜機會日見夜見.....

就算佢地放假....都係得一日....咁樣既話...佢地一定會好好休息.....

根本就唔得閒理我......

加上就算係長假...,..都係得幾日....而且....我可能又要番學.....

真係完全未試過幾個星期日日見住lor....

真係.....9年啦.....今次係第一次....

第一次....可以咁樣日日見住.....

雖然係無乜講過野....每一日都係我係房打機....

媽媽就係廳睇書....或者係出下街....

但係一齊係家放假.....係第一次.....

原來.....我係咁鐘意我既家人...

原來.....我係咁細路仔....

其實....我唔否認我係俾龍櫻感動左....有一個共鳴....

雖然係成日會同佢地鬥氣....會同佢地嘈....

但係一諗到....如果突然之間....無人再咁樣煩我.....咁樣關心我....

我真係好驚好驚.....

我真係承認啦.....我仲係好細個....

我諗係真係一個永遠都長唔大既人啦....

p.s. 我都估唔到....我竟然會一邊打呢篇野....一邊喊得咁恐怖....

淚水分泌又過多啦......