講真果句....宜家22:30
我真係唔應該再打blog....
我到宜家....I.S. 乜都無溫過....
真係殺左我....聽日要炒既都係會炒....
我已經唔望可以pass到啦......
好失望...對自己真係好失望....
點解我可以咁放縱....點解我會變成咁....
好簡單.....得一個答案.....
因為....我唔配得到我想得到既野.....
我根本就無資格去爭....
既然無資格.....我仲爭黎做乜?
你睇下....我又開始搵藉口啦.....
我d咁既人....有乜用呀???
成績好??? 運氣好就岩~~
我係講真架......
我唔想爭....我好攰......
我好明白....我唔讀理科....我將來一定唔甘心....
但係....我真係唔想逼自己.....
我宜家見到I.S. 就好驚....
果種恐懼感......我真係受唔住....
我好驚呀.....
我真係唔敢....我怕我接受唔到結果....
我好驚會害死我自己.....
我每日都嬉皮笑臉.....話自己係到玩電腦....唔溫書...
之後又呻....我今次又會考衰邊幾科.....
但係....我真係無辦法睇住本書....
我宜家望到....我好驚.....我完全控制唔到自己....
咁倒不如.....拖啦...一直拖落去啦....
到宜家....我hea左一日....一樣係要溫書.....而且仲無哂時間.....
我呢d就係人板啦...自作孽.....
或者你地唔會信.....我真係驚到喊.....
我真係完全無辦法溫書....
果種壓力....我控制唔到.....
我一直同自己講....
仲有2日炸...好快就過架啦...唔好咁擔心啦....
但係我過唔到呀...我真係過唔到呀....
好驚....好驚.....
我最驚既....係.....將來既我....會好恨宜家既自己.....
果種後悔.....一直壓係心入面....
點解我唔去努力....令自己變得更好?
我可以做到....身邊每一個人都係咁同我講....
但係我做唔到呀....
你地知唔知.....我唔想再聽到你地所謂既稱讚啦!!!!!!!!
我覺得自己受唔起.....
我一直係你地果d虛假既讚美上面走鋼絲.....
一唔小心....我就會沉迷左.....趺左落面.....永遠都上唔番黎....
你知唔知你地越話我勁....我就將自己踩得越低.....
如果唔係....我無辦法好似宜家咁好...
當自己係普通人...之後努力溫書....因為我唔係天才.....
但係...我踩得自己越低...同時....我對自己既要求越高....
我根本就唔夠自信去做....我好無膽架....
無人去撐住我...我隨時會整死自己......
我好明白....我絕對捱唔過聽日既I.S.
所以,,,,發洩左就算啦.....
或者....我....真係要趺得慘d.....
p.s. 藉口也好....我只願我能停止失控....回復理智....
講番頭先睇21:30果套劇先,,,,,,
我真係好憎楊怡個角色.....
佢都咁幸福啦....kings對佢咁好....
有一個咁完美既男朋友仲唔夠? 佢想點呀!!!!!
要入上流社會....唔係....應該話要接受kings既家人...
就一定要預左受苦架啦.....
佢竟然完全唔諗下自己既家人係咩性格....
就任由佢地係到亂講....仲自己喊住咁走左去....
好過份....kings變到咁痛苦...都係佢既錯lor!!!!!!!
一個好既女朋友....一個配得上kings既女仔....
絕對唔會係佢d咁既性格既人!!!!!!!
佢受唔住既話就分手....唔好再係到扮可憐....搞到kings咁攰....
如果係我...絕對唔會容許d咁既家人破壞我同kings既關係,,,,,
有d咁既屋企人係避唔到....但係....你起碼可以令佢地唔好出現...
話我賤又好...cheap又好....
對於我黎講....如果有一段好既戀情...我唔會俾任何野破壞....
家人? 一班衝動到死....唔明白我既人,,,,我唔需要佢地出現....
最低限度.....唔好出現係我同對方面前......
睇住最溫柔既kings....俾個咁差既女仔影響...我真係會心痛....
就好似....一個王子....無理由去娶一個流氓出身既女生.....
佢d屋企人....每幾個字就加句粗口....
連扮下野....虛偽一下都唔得....
我寧願佢地假d....起碼知道禮儀兩個字!!!!!
今集完結....kings果個沮喪掙扎既樣....我真係唔想再見到....
一個咁溫柔既人.....唔係去到極限...係唔會將負面情緒發洩係外人身上架....
首先係語氣重地叫人出去....但係仲keep住控制自己.....
之後....情緒膨漲到....只係講到"出去"兩個字.....
到最後.....大哎一聲::: out!
我覺得....編劇真係好有問題....
一個咁爛咁唔掂既女仔....憑咩令kings改變?
kings咁好....點解仲要kings退讓....俾個女仔得到咁多....
好唔fair lor.....
我真係想問....個女仔有咩好....做過d乜野係真係有用....
背景果d我都忍佢....但係性格果到可唔可以叫佢做好d呢????
一段感情....係好脆弱.....係要全心全意去保護先得....
kings係單純.....以為有辦法控制.....
但係個女仔都唔好得去邊.....
俾自己既家人係到亂講野.....自己又無咁大既容忍度....
其實真係唔適合....散左好過啦....
我唔捨得呢種完美男主變得咁慘.....
而女主....因為我對自己要求高...所以睇女主都一樣....
你有能力...有資本既...我唔會講....
但係好似呢套劇既女主咁....我絕對會踩到盡.....
俾我....我係唔會容許自己既家人出錯....
所以如果佢地係唔識控制既話...我係唔會俾佢地出現....
其他人既單單打打...我可以忍....只要有自己鐘意既人...我一定可以忍....
一個好既女主....就係無任何性格可以俾人挑剔.....
好明顯....個女仔係做唔到....
而kings.....對我黎講....溫室長大既花....可以拎出去捱...
但係.....你要俾佢番溫室休息.......雙方慢慢改變......
你一下子掟佢出去....佢無咁容易適應.....
如果我係編劇.....我真係唔捨得俾d咁既人接近kings.....
唉.....
我又hea左一個鐘打blog...真好~~
聽日...睇住我衰啦~~~
|
