我發覺自己以前都幾乖...

一個月總會po幾次文...

點知升到F.4先後...就乜都唔想做....

9月之後既3個月...我終於有心情po文lu~

我宜家做乜都係講心情...

一個christmas...

我hea左一個星期...

到宜家...功課無做過...書無溫過....

其實我都幾想問自己:::

你夠竟想點!!!!!

吶....再係咁落去...我會死架...

我宜家就好似慢性自殺咁....

我搵唔到自己既心係邊...

就好似....做乜都無動力....

我宜家連睇小說睇動畫都無心情...

日日訓到下晝4點先起身...

當然...我晚晚都凌晨4點先訓....

我幾投入去做一d野都好...先後個人會覺得醒一醒...

跟住就覺得好悶....做乜都覺得好厭...

我知道自己既問題係邊...我好想同人傾下...

但係真係無對象lor...

我真係好想見社工....

點解我升到F.4之後會變成咁??

我唔覺得係適應唔到...

反而....我覺得係...突然控制唔到自己...

好多野都講左要點做....

但係...無一樣野成功做到....

好似po文咁....

其實我寫好都有1個月啦...

但係一直唔去改...唔去理...

拖到宜家先po....

唉...再係咁...我呢一世就玩完啦...

仲有2年就文憑試啦....

再係咁....入唔到大學....我呢一世就無啦....

我唔甘心...但係我已經唔知自己既真正想法....

考得好會笑兩聲...考得差又係笑兩聲...

成績....無辦法令我產生反應...

我好似失去左d好重要既野...

但係...我唔知係乜...

我淨係知道...我對宜家既自己有一份恐懼...

一份抹唔走既恐懼....

恐懼到....我寧願一直逃避....

好多人同我講...蚊蚊..你係得架....

但係....呢份恐懼同我講....

你乜都做唔到....

我好驚....

16年既恐懼....終於爆發出黎...

由細到大....我從來無care過成績.....

直至F.3最後一次考試....

我第一次...第一次咁恐懼考試....

恐懼到...我連拎起本書去溫既勇氣都無....

我從來未試過...

就算我幾唔識既科目...幾差既科目都未試過...

偏偏...就係一科我頗有信心既科目....好恐懼...

過左2個月既暑假....

我以為呢份恐懼消失左....

點知....原來係融入左我既身體....

無時無刻....我都無辦法靜心....

我總係擔憂緊d野....

失去左以前既果份平常心....

我會失去一切....我明白架...

宜家既我....

唔配去擁有我曾經得到既一切....

我已經將自己既大腦搞壞左啦.....

我就好似一個小丑咁....

自大驕傲....跟住....將自己既天資全部斷送.....

好啦....我仲有半年....

大腦停止左...都仲可以再start....

呢樣野...係nino教我架...

freeter....係我最需要既時候出現...

雖然我無一個溫柔既媽媽對我講呢番說話...

但係睇到nino....我真正明白....

就算幾無用既自己...都會有再start既一日....