29睇小說...31號都係睇小說...
兩日時間....清左大部分既短文...
宜家只係差d系列文無心情睇...
30號就出左街...同鳳鳳+倩一齊....
3日過去..乜都無做過....
唉.....點解我又變成咁???
仲有篇文.....有心打....但係好怪....
我無辦法將腦海入面既畫面變成文字...
我寫唔出...乜都寫唔出....
無論畫面入面既人有幾溫暖都好....
我寫左出黎....只係變成冷冰冰既文字...
無感情....無愛....好貧乏的感覺....
我....只係想佢地幸福....
筆下既每一個人都有自己既幸福....
現實得唔到既野....只有虛幻既佢地先有可能得到....
每次靜落黎....腦入面總是諗住佢地既人生....
佢地會變成點....佢地會講d乜做d乜....
明明係自己虛構出黎....
但係無時無刻都係自己身邊.....
只係希望.....夢入面既世界可以更美好....
曾經....我沉溺在夢中....渴睡....只為那份輕鬆....
點解? 半年....只係半年...我既人生就玩完???
我既心....只會痛...而唔識快樂....
最近睇左好多空夢既書....
好現實....所以心痛...真係好痛....
我只有痛既時候...只覺得自己係生存緊....
睇左入面好多對戀人....亦都見到佢地既結局....
其實.....算唔上HE或者BE....
深愛既一方付出哂一切....到真正崩潰既時候....
就即刻放手.....因為....佢地已經無辦法付出更多...
一開始就將自己奉上.....當去到極限既時候....先逃走....
佢地會令所有人都感受到佢地既愛.....
但係.....佢唔會被你知道佢地既痛....
所以.....當你突然發現佢走左既時候....
其實....佢地已經痛到失去自己....佢地已經再受唔住....
被愛既人.....係唔會明白果種一日一日步向絕望既感覺....
寧願被人一刀砍死...都唔想被人凌遲既痛.....
點解只有失去先學懂珍惜....
明明......都決定放手....點解仲要繼續去逼果個深愛你既人?
的確....3個故事既結尾...佢地都係復合....
但係果份愛已經變左質....
佢地再唔會毫無保留咁付出...
即使....佢地唯一會愛既人只有對方....
學識保護自己...學識唔好愛得太深....
對佢地而言....只係因為搵唔到另一個人....
只好....退一步.....繼續過生活....
呢份感情唔係愛....而係....可以選擇既對象只有對方...
所以.....稱唔上原唔原諒....
佢地....只係想平平穩穩咁生活落去.....
我諗去王雙唯....經歷一樣...但係結局唔同....
4個人對愛情都係一樣.....付出一切...
當去到極限.....就決定唔再愛....唔再想....
因為事情發生左.....就無可能改變.....
有3個人.....佢地無原諒....
但係....佢地選擇安定....所以佢地只好復合....
即使...佢地已經唔再愛得深...即使佢地都變左....
呢個係生活.....對方傷得你好深....
但係曾經擺對方係心上咁奈...真係放唔低....
所以....最後都係要簡一個人過生活...只好簡對方....
無關愛情....點解?? 相愛既兩個人一齊既理由竟然係無關愛情...
只有一個王雙唯...佢話::你傷我....我必還你十倍百倍....
愛你....佢可以將一切俾哂你....
當佢唔再愛你....佢受既苦定必奉還....
所有人都知佢曾經有多愛....所有人都知佢愛既人好愛佢....
但係....錯誤唔會就咁就消失....
發過錯...就要承認結果....
無人係一定要原諒架....錯既係你唔係佢...佢無必要原諒架...
我好鐘意呢種感覺....
點解要原諒....點解所有人都要佢原諒??
錯既唔係王雙唯而係對方....點解最後俾人逼既係一直受傷既人??
憑咩要求原諒....憑咩要忘記一切...憑咩要被逼退讓?
佢偏偏唔原諒....佢選擇左自己....
所以.....一切都無可能番轉頭...佢死都唔會復合...
曾經有多愛...佢就有幾想對方去死....
我好鐘意佢既結局.....要斷就斷....所以佢最後學識愛自己...
愛人...佢已經無能力...只好選擇被愛....
結局...佢簡左一個願意寵佢愛佢既人....
佢簡左一個.....永遠無可能委屈佢既人....
佢簡左一個.....從來無傷害過佢既人.....
傷過人....唔係一句對唔住就夠架....
傷痕永遠無可能消失....
有人無其他選擇....只好退一步....儘量避免受傷第二次....
有人....要一個新開始....將傷佢既人從佢既世界趕走....搵另一個人療傷...
我鐘意王雙唯....因為佢絕對唔會妥協.....
我都鐘意另外3人....因為佢地懂得生活....
我聽過一句好粗俗但係好真實既話...
生活就好似強姦...無辦法反抗...就唯有學識享受....
王雙唯係真正既王子....佢有佢既騎士...所以佢有辦法反抗...
另外3人....都被生活磨到失去最初既心....
佢地...只能夠選擇接受.....
生活....本來唔會完美....
就算想要一個幸福既結局...都必須要受過苦.......
生活....點解咁難?
有時.....真係幾羨慕其他人....
去到咩時候...我既象牙塔先會起好?
我寧願被人關係入面...都唔想接觸外面既世界...
王雙唯太幸福啦....
我失去左最初最初既心...
果種無論發生咩事都好...都要撐落去既心....
我....遺忘左輕鬆既真正意義....
越係睇小說....個心越沉重....
但係唔睇...就會變成一片空白...連痛苦既感覺都失去埋....
我學識左接受現實....學識左委屈自己....
到最後.....我承受唔住生活既殘酷....
我學識左退讓同妥協.....所以.....一齊都好平靜....
平靜到....我開始懷疑當初一直堅持既人.....係邊個?
我.....唔識企起身.....唔識同自己講撐落去....
我只係知道....我就係咁既水平....我就係咁無用...
我甚至....唔識得幫自己創造希望....
我只能夠去將人地既故事....放係自己既夢入面....
我已經唔敢將腦入面既野拎出黎.....
因為...我知道...現實會將佢地毀滅...
到最後....我就真係乜野都無哂....
越講越亂....
我一直都只係想要一個...........
我已經唔知自己想要乜野....
|
