最近屋企又麻煩啦...

呀爸呀媽又冷戰...

我又係夾係中間...

如果好似以前咁就好啦...

我咩都唔理...咩都唔關心....

但係宜家既我做唔到....

我無辦法好似果個人咁落井下石...

我未見過有人好似佢咁白痴lor....

呀爸呀媽冷戰...佢就係到煽風點火....

佢係唔係真係得閒無野做呀...

成日淨係識得係到打機同鬧人....

佢有咩係做得好架....

咩都要我讓佢....

我欠佢D乜呀....

憑咩我就要低聲下氣做和事佬...

仲要兩邊都俾面色我睇...

跟住果條友驚呀爸呀媽鬧得未夠勁...

仲要火上加油.....

我只係想靜靜咁抖下姐..好難咩!!!!

果條友就乜都唔理....淨係識鬧我....

要我就哂佢既作息時間....

痴線...下晝唔係玩電腦係做咩呀...

憑咩佢自己玩通頂唔訓就要我下晝無得玩俾佢訓呀....

佢低能架....

佢down野就得...佢用埋我部機就得....

我玩電腦開多幾個網...就要俾佢鬧???

佢部機lag關我鬼事呀...

憑咩我要忍佢呀....

10幾年啦....

點解佢就可以咩野都推哂俾我....

我做錯D乜呀.....

點解要咁對我....

我都好難受架.....

鍚又唔係鍚我多D...關心又唔係關心我...

但係點解苦就係我一個人捱哂....

真係好笑...

好辛苦....

但係.....連一個會安慰我既人都無...

見到佢地....仲要笑.....

幾辛苦都好...仲要笑....

真係可笑.....

我受夠啦!