由我小學第一次睇呢本小說....

到宜家....我都差唔多成年啦....

我諗都有6~7年時間啦.....

明明個人應該係大個左....

但係每一次每一次睇....

都一定會喊....一定會喊....

呢本小說夠竟有d咩魔力???

令我呢個咁冷心冷情既人每睇一次都喊....

明明文筆只係普通....

明明描寫仲有d突兀....

明明情節未夠嚴密....

明明.....明明仲有好多好多唔好既地方....

點解....每一次睇我都會喊??

或者係因為佢地既情.....

果份無論我睇過幾多次都會被感動既情....

我睇過好多好多好好既小說....

比呢本出色無數倍既都有....

但係令我咁心疼既...只有呢一本....

真係最特別既一本.....

其實到宜家...我都接受唔到個結局....

點解唔可以一齊?

點解?

兩個相愛既人一齊生活有咩錯?

反正佢地根本唔在意...

就咁樣兩個人相伴一生唔好咩?

就算咩都唔可以做...只係簡簡單單兩個人既生活...

咁就已經足夠啦.....

點解要分開?

新既人生入面失去左最重要既野...

咁既人生有咩意義?

點解唔堅持?

點解要將果條線畫得咁深?

可能係我既道德觀念比人淺...

我一直都係咁諗...

只要佢地無影響過其他人...

點解其他人仲要用d莫須有既罪名黎束縛佢地...

我既眼中....無乜所謂既禁忌...

我只係知道佢地無做錯任何野...

但係....就被世界遺棄.....

係呢個世界既錯....係呢個世界對佢地唔住...

唉....算啦....

呢本小說係我永遠既痛...

永遠唔會癒合既傷口....