唉....最近個人唔太舒服....so.....無打blog....
嗯....睇完黑執事之後....我呢幾日開始搵英劇睇....
聽其他親講.....supernatural唔錯....torchwood都係幾好.....
所以我就down左supernatural睇先....都ok啦....
dean同sam超曖昧lor.....(p.s.雖然係兄弟cp...)
but 劇情果d.....等我打好黑執事先講啦....
嗯....黑執事我諗住今晚or聽日先打.....
因為今日無乜心情.....
呢一排....個人好唔自然.....夜晚又訓唔到覺....
精神越黎越差.....好辛苦....
就好似今日咁.....尋晚1點左右訓....但係差唔多4點先訓得著...
但係6~7點左右又醒左- - 之後訓左一陣...9點就起身準備番笛.....
每日都係咁.....仲越黎越衰tim.....
就係我尋晚完全訓唔到既時候.....無數既中仙都訓唔著....
甚至.....有更多人為左某d消息破口大罵.....但係同時不斷哭泣....
係佢地擔驚受怕既時候......過左一個痛苦既夜晚......
到左第二日....好似我呢種咩都唔知既人.....
上大吧睇news.....乜事都無發生過....一片平靜.....
我係呢到....好感謝吧主對大吧既維護.....無俾果d半真半假既消息周圍發.....
我諗....尋晚吧主同管理組刪貼應該刪到手軟.....
同時仲要勸d 小fans唔好亂諗.....吧主真係付出左好多.....
感謝你們對東方神起和仙后不變的愛~~
就係尋晚....中國既媒體發出一個消息....
SM官方公開.....東方神起成員....金俊秀....樸有天....金在中三人對公司提出訴訟.....
原因暫時傳出有兩個....一個係米秀在三人既化妝品公司(cre-beau)既問題....
另一個係因為合約既不平等條例.....佢地三個要求修改合約......
因為呢件事.....媒體就不斷話.....
東方神起即將解散......
而無參與訴訟既浩子同昌珉......佢地就俾公司暫時推去拍劇.....
東方神起暫時保持分散活動......
今次既訴訟.....主要係由秀爸秀媽帶頭.....佢地希望秀秀轉經理人公司......
同時係因為公司同秀秀之間既收入問題.....秀爸秀媽唔滿意.....
之後.....秀秀佢地就拉埋大米幫手....而大米就拉埋在在.....
所以就出現今次既情況......
因為係秀秀既家人帶頭.....所以米花既二重唱仲可以係日本活動.....
而秀秀被傳....俾SM家冷藏.....所以秀秀先無活動出(暫時)
其實6月sm town 既寫真傳過一次解散.....但係sm官方話係假既.....
到7月巨蛋.....又傳解散.....之後都無事發生.....
到7月既cre-beau發表會.....其實當時我都覺得怪怪地.....
如果米秀在三個唔係肯定有時間....佢地係唔會話出席任何活動....
之後cre-beau方面話因為檔期問題....三人唔會出席....
但係後來出黎既消息係...711之後.....神起有差唔多個幾兩個星期既假期.....
只係在在要番日本幾日....搞天國郵遞員既宣傳....同去w-inds既演唱會.....
如果係咁....又何來檔期問題呢.....
我諗應該係當時sm家唔俾米秀在三個出席.....之後問題就出現.....
秀秀家人係cre-beau放左好多資金.....仲要係大股東.....
所以如果sm以合約話秀秀唔可以出席....唔可以用細亞俊秀既人氣sell cre-beau既產品.....
咁樣既話.....問題真係好大....
因為cre-beau既消費者多數係仙后....因為支持神起,,,,所以支持佢地既事業.....
如果sm禁神起出席cre-beau活動....咁消費者流失.....秀秀家人都會有唔少損失.....
我諗呢個先係問題.....
另外....我好清楚無論發生咩事....神起絕對唔會解散...
今次訴訟無論結果如何.....滿叔都唔會放走神起呢個聚寶盆.....
神起仲有賺錢既空間.....唔用盡佢地既能力....滿叔點會輕易放人呢....
其實我諗最後都係秀秀家人同滿叔各退一步.....改少少合約條款就算.....
而且,....韓仙都未亂.....我地又驚d咩呢???
當初1年7個月既等待....韓仙都無怕過....更何況只係少少既合約問題....
再加上.....浩子仲係日韓兩邊走....咁有責任感既鄭隊點會俾神起解散呢.....
浩子話過....唔係佢地講既.....唔好信.....
我都係咁諗.....就算係sm官方消息我都唔信.....只有五子既說話我先會信.....
今次既合約問題....我用左一個早上既時間了解同思考.....
暫時都明白件事係點.....大約會有咩結果......總之無論點都好...神起絕對唔會解散啦~~~
好啦.....頭先講左好多我既諗法.....宜家再補番個完整版啦~~
首先係年初.....秀爸決定搞cre-beau....秀秀自然贊成....同時叫埋米在.....
之後...因為神起既人氣....cre-beau算係大成功.....
但係因為各自工作問題....秀秀由秀爸秀媽同俊浩幫手.....
大米就由米媽幫手....同時仲有雪糕店呢一間鋪.....
在在呢....就由佢既8家姐幫手打理.....都算係無事....
但係俊浩既出道....我諗應該係由08年尾既介紹朋友呢個節目開始計劃....
秀秀家人應該想由秀秀帶俊浩出道.....之後用佢地兩個既人氣帶好cre-beau....
所以俊浩既出道曲秀秀有幫手就係咁解....希望秀飯同時關注俊浩.....
之後到年中既sm town.....我諗當時已經傾緊合約問題....
因為以滿叔既貪錢性格....點會俾神起做免費宣傳呢?!!!!
應該係用合約綁實神起.....唔俾佢地出席一d非sm家同意既活動....
即係唔俾神起用自己既人氣帶好cre-beau.....
所以我諗浩子就簡左公益活動....昌珉就宅了- -v 佢地都無心同sm家對抗....
之後到7月中既cre-beau活動.....應該係sm家用違約做理由....唔俾神起出席....
所以引起秀秀家人既不滿......合約訴訟就係咁出現.....
其實大米同在在兩個對cre-beau既態度就好似大米間雪糕店咁.....
並無將cre-beau當係自己最重要既事業....只係將cre-beau當係類似股票呢d....
額外既搵錢方法....所以佢地都無擺太多資金落去....
但係秀秀家人唔同.....秀爸真係完全將cre-beau當成最重要既事業.....
所以如果cre-beau有咩問題....對秀家影響最大.....所以秀秀家人先咁執著合約.....
當然.....米在加入應該唔關cre-beau事....只係合約真係太不公平....所以佢地先會幫手....
而且在在已經表態....不論結果係點....佢都會留係sm家.....
但係米秀之間係點仲未知......
but 我諗....結果都應該係....神起依然留係sm家.....
但係可唔可以有額外既個人事業....就要睇sm家肯唔肯俾神起搵自己既錢.....
好啦...合約就講到呢到.....宜家就講下....神起解散問題....
五子之間既感情....絕對比你我想像既深....
佢地已經一齊住左差唔多6~7年.....果陣仲要係最年輕最叛逆既時候....
佢地之間有無數既磨擦.....最後....先會變成今日呢五個人...
可以用眼神就明白其他成員諗乜既五個人....
所以就算天趺落黎....神起都唔會散....
但係點解秀秀今次由無顧慮到神起....任由家人安排呢???
唔係秀秀唔愛神起....只係....我諗睇過至親筆記既人都明白....
秀秀耳仔軟....好易聽人講....其他人講乜.....佢都會同意....
今次要秀秀訴訟既....仲要係秀秀既家人....真正既家人....
秀秀可以點呢??? 佢咪只會話好.....聽家人既說話.....
但係我相信.....如果關乎到神起解散問題...秀秀係絕對唔會聽家人既說話....
因為秀秀最愛神起....最愛仙后....
當初秀秀既夢想係唱歌.....但係04年既解散風波.....
竟然令秀秀不顧6年既練習生時期....不顧自己既夢想.....
話:::: 如果東方神起有一個人離開....我都唔會留低.....
秀秀咁愛神起.....我知道佢心入面會知道點做係最好....
我只係希望仙后唔好怪秀秀.....因為佢夾係sm家...神起.....家人之間....已經好辛苦啦....
對於米在.....佢地係將TVXQ深深刻係身上既人.....
佢地都絕對唔會離開神起.....
在在曾經講笑咁講過.....如果有人要離開神起....係要俾人打出去架.....
在在經歷過親子事件.....佢明白家既存在....佢都當左神起係佢既家....
所以佢成日都話自己好似媽媽咁....照顧身邊既成員....
咁既在在.....唔會亂黎架....
仲有大米呢.....小時候既家庭離異....
仲未成年就自己一個番韓國加入神起.....
當其他成員有各自可以回既家....佢就只有神起既一個家....
咁既大米...都一樣唔會離開神起......
米在兩個都對親人睇得好重.....因為佢地既童年......
佢地兩個都將成員當係真正既親人....佢地係絕對唔會俾神起散既....
所以我先會咁相信.....無論訴訟如何...神起都唔會散.....
好啦....有時間就講埋浩子同昌珉啦....
佢地兩個宜家番韓國拍劇.....我諗同米秀在三人既訴訟無關.....
因為花樣咁收得.....滿叔自然希望神起就試下拍劇.....
因為演員地位係韓國係最高架....就算歌手做得幾好都無用.....
都一樣係比唔過d演員.....
為左賺錢.....滿叔當然會推佢地拍劇.....
所以係合約訴訟出之前...我一直有其他想法.....
係711之後....神起既活動減左好多...
跟住我就諗啦....到浩子昌珉既拍劇消息一出.....我就明啦....
滿叔係為神起搵d更好既劇本.....所以今年下半年神起會擺係演戲.....
所以神起無乜活動安排 lor~~~~
當然.....就算係拍劇....都係sm家既事....艾回一定唔肯放人....
因為神起既日本市場仲未穩定.....
所以就出左米花二重唱...因為米花係日本係人氣比較高既....
而且在在既郵遞員係日韓合作....之後宣傳開始既話,,,,
在在就用戲劇留係日本....大米就繼續唱歌.....
咁秀秀呢??? 其實對於秀秀....真係好難搵適合佢既工作....(p.s. 無任何感情色彩)
所以我諗....08年回歸既時候...sm家先會安排秀秀去唔同既節目....
我計過啦.....神起既節目安排....秀秀既係佔最多....
我諗滿叔果陣應該係試下秀秀適唔適合做固定嘉賓之類既工作.....
其實如果係日本....秀秀真係幾難獨自上節目,,,,因為佢既日文無昌珉咁自然.....
而且.....秀秀好難同其他人熟悉......佢既交際圈子主要係幾個....銀赫...俊浩...神起....
之後就無啦.....其他既都係工作人員.....或者係節目入面識既~~
其實我都贊成佢上節目既.....但係都係留係韓國安全d......
哇,....今日真係講左好多好多野......
由一開始仲係好亂既思緒....慢慢整合.....
之後評下合約訴訟.....之後到解散問題....
仲有佢地既工作問題.....哇....好奈無講得咁盡興啦~~~
p.s. 我諗呢d假既解散消息好快就無.....
雖然驚神起好似H.O.T.咁....開演唱會話絕唔會解散....但係完左concert就正式解散.....
但係....我相信五子係絕對絕對唔會俾呢種事發生.....
佢地都會盡佢地最大既努力保護東方神起呢四個字......
所以身為佢地既fans...我地只要努力支持.....信任佢地就夠啦...
東方神起....fighting!!! |
