3日2夜的長龍之旅話禁快就完左LU...講真我好唔捨得,都唔知又要等幾多年先再可以一班表兄弟姊妹一齊去旅行,我enjoy架！

第一日去到中港碼頭見番好耐冇見既親戚,都冇乜點變呀各位,係我同表哥升左中一變左...之後係船到我係度睇係書展買既「在天堂遇見的5個人」點知比隔黎既呀媽同舅母嘈住我,睇都睇得唔舒服...落左船我地就上酒店先,表姐就同時下既年青人一樣囉住部貴野相機周圍影,我一上到酒店間房就知正野,不過無奈要同個家姐一齊訓,好鬼迫。

食完lunch就去個長龍樂園度玩機動遊戲,我膽粗粗以為個十環過山車唔恐怖,個個表哥表弟又話玩,初頭望落去都覺得冇乜野,個十個環唔係好大個,諗住好快就過左,會唔驚唔覺到終點,因為我地排隊排得遠,聽唔到d人既叫聲就覺得「都冇人叫既,恐怖極有限」,點知過左一個鐘之後,我地終於排左上前面,d叫聲就巴巴聲咁黎,原來唔係人地冇喊,係我地聽唔到,排到前面都有少少淆,不過都排左一個鐘la...冇理由唔玩架！終於上左車...離心力勁到呀媽都唔認得,不過我冇叫,因為我全程望住自己隻腳黎玩,自己好快咁倒轉左都feel唔到,到十環既時候,我feel到自己隻腳突然間凌空左,個頭就係下面,腳就係上面,因為佢連續十個環咁黎,所以今次就feel到la...第一個環都驚驚地,之後既幾個環就習慣左...我驚驚下,佢就停車lu...全程我只係聲到隔黎既表姐係度叫...哈哈！

之後去睇馬戲,其實我上次都睇過la...勁無聊...個人唔覺得好精彩......全程負責錄MV...隻手好[支力],之後又玩機動遊戲,咖啡杯:細個好鍾意自轉,細個自己用電腦前面果張轉轉凳轉左都唔知幾多次,所以上到個杯度就極轉...搞到表姐係度叫「唔好轉禁快呀！」。之後玩個轉轉千秋,老實講我有d驚,所以全程合埋對眼....好淆....之後又玩個正方形過山車,成日好似就跌就跌咁...驚到勁叫。

夜晚番到酒店因為表弟間房張床大d...所以個個去晒佢間房度玩鋤d,7級珠,killer,x綿toy......玩到夜左舅母就叫我地訓覺lu...舅父舅母為左比張大床我地玩,2個迫埋一張細床...嗚嗚...好偉大喔！果晚玩得好開心呀...嘈到比人投訴！好耐好耐都未試過一班表兄弟姊妹一齊玩...呢個回憶好難忘喔！