我係上一篇Blog講過,

冇錯巨蟹座好溫柔好體貼好細心好重視家庭,

但係我講漏左,

巨蟹座都好情緒化,

上篇blog亦講左:唔好太高估我既EQ.

---

除左sorry之外我都唔知可以講咩,

我知放飛機係我錯,

我應承左但係做唔到都係我唔岩.

我都唔介意你鬧我你發我脾氣咩都好,

只不過我想講:

有幾多時候應承左既野可以做到?

你應承過我默titanic譜有做到咩?

okay我當呢個只係戲言.

你都應承過唔會成日管我啦,

我話唔緊要我唔介意,

我知你管我其實都係為左我好.

但係...其實我唔中意比人管住曬,

打到呢度我腦海之中已經湧出好多片段.

我自問我都冇管住你丫,

點解你對我甘高要求?

我都係一個普通人姐,

我係咪應該開心因為你管我係重視我既表現?

你應承過我唔鬧我你又做到咩?

每日都鬧我我都習慣左啦.

但係你真係覺得我EQ高到可以左耳入右耳出?

你覺得我真係唔會放係心上?

你覺得比人鬧完扮冇事好易咩?

你甘細心甘好觀察力,

應該會見到你鬧完我我既面色會有d難睇啦.

你知唔知每次你話我,

我都會覺得自己顯得好幼稚,

你一次又一次甘令我覺得:

我襯唔起你.

我知,我知諾言有幾可兌現到丫.

張小嫻都寫過:承諾只是偶爾兌現的謊言.

我當然唔會抱好大既期望.

我都知一件事還一件事唔可以一齊講.

我亦都知道應承過唔應該反悔,

所以容許我講多次sorry.

---

我唔知道我仲有咩錯.

你話比我聽啦好唔好.

你明唔明你cut我線既時候我幾難受?

你知唔知我既心情有幾複雜?

好無助好不忿好傷心好自卑好憤怒好後悔好內疚.

不過,你可以發脾氣,

我亦都有權利冇心情.

我冇mood唱K亦都唔中意唱.

其實你係唔需要當係陪我去架喎,

我臨時話唔去係錯,

但係我希望你做既係體諒我而唔係...話我嬲我對我甘冷淡

想引用一句說話:你冇錯唔通就係我錯曬架咩?

---

其實我知道我已經好語無倫次.

我好似已經提出左好多控訴.

可能我的而且確係無理取鬧.

但係最後我都補充一句:

我愛你.但係我都好愛自己.

我唔中意人踐踏我既自尊.

Get it?

---

都話,巨蟹座好情緒化.