睇唔睇到?!

呢本就係我朝思暮想、夢寐以求既"步步驚心"!!!

頭先係三聯見到佢,

我決定星期四放左學將佢私有化!

我想比多兩日時間自己好好甘期待一下><

太幸福啦!

一邊睇電視版,一邊睇書,

簡直係3D既享受!!><

啊!我既心已經飛左去四爺同十三爺身上...

冇幾耐之前睇完宮鎖心玉,

而家再睇步步驚心,

已經對康熙年間呢段九子爭嫡既歷史深深著迷*o*

兩套劇既人物關係大致相同,

相同既歷史人物但係又有唔同既處理手法:)

本來我係情傾八阿哥架嘛,

點知呢個溫潤如玉既八阿哥竟然由鄭嘉穎飾演...

唉,心淡了.

於是唯有轉投四爺同十三爺既懷抱:-*

雖然"宮"同"步步"都係講一個現代女仔穿越番去清朝康熙年,

但我比較欣賞步步驚心,

將太子既陰險好色卑鄙下流、

四阿哥既陰沉不定鐵漢柔情、

八阿哥既謙謙有禮溫柔細心、

九阿哥既蛇蠍心腸野心勃勃、

十阿哥既率真坦誠愚昧無知、

十三爺既豪邁爽直才氣洋溢、

十四爺既有情有義忠肝義膽......

刻劃得太細膩了!!!

但願我亦能夠好似女主角甘回到清朝,

周旋係各個阿哥之間比佢地盡情甘傾慕,

見證清朝堂皇既盛世><

不過我講甘多,

都唔會有人明白我架啦.

當我發up瘋也罷:)

唉,順帶一提,

希望TVB既台慶劇唔會令我失望,

實在唔想再次見到好似"宮心計"入面明明係唐朝,

陳豪卻錯穿漢朝龍袍...之類既情況- -

雖然係甘,

但我仍然好期待"萬鳳之王"/"大太監"etc.既台慶鉅獻!