今朝我終於煲完步步驚心啦.

雖然冇想像中甘淚如泉湧,肝腸寸斷,愁腸百結,

但係都有心痛到流眼淚TT

最唏噓既係女主角離開紫禁城同各人道別.

最悲慘係女主角死既一幕,

四爺最終都冇見佢最後一面TT

最令我惆悵惘然既係最後女主角番到現代,

係歷史博物館遇上現代版四爺,

但果位男子只係講左句"我們認識嗎?".

Oh my god心碎死</3

不過未至於喊得死去活來;)

呢套劇令我深深愛上左雍正:)

撇開佢謀朝篡位弒兄殺弟種種殘忍冷酷行為,

企係中華民族既角度黎睇,

佢既貢獻係重大深遠的:)

我好愛佢:)

然後同呀莉去旺角睇呢套<<競雄女俠 秋瑾>>,

本來覺得佢係動作片,

可能會好悶.

但係一路睇一路覺得好精彩!

插敍(散敍?)手法用得好好:)

而且我好中意秋瑾巾幗不讓鬚眉,

提倡女權,奮勇推行革命對抗清廷,

最後以"秋風秋雨愁煞人"七字作供詞從容就義...

唉我比徐錫麟同一班革命烈士既滿腔熱血感動了!TT

睇完呢套戲我覺得當時既人民實在太可悲啦,

生活係水深火熱當中,

受盡洋人凌辱,朝廷壓榨,

國將不國生活淒苦...

果班革命烈士真係好高尚好偉大:)

原來生活係現代真係好幸福._.

而我最大既感想係:最衰都係慈禧!!!

如果唔係佢以國家成全自己、貪圖逸樂,

洋務運動同埋百日維新就唔會失敗,

列強就唔會侵佔中國,

人民生活安定,

大清國就得以延續落去!(呢點最重要)

甘就唔會有革命人士犧牲,

家庭破碎!

唉,歷史充滿感嘆號!!!

送上秋瑾芳容:

P.s:我最近學緊寫滿文同埋篆書,nice!:)