考完啦考完啦!仲差數學就考完啦!

終於考完了一連串要背要喪寫既野!

呢個考試我煲劇煲到天翻地覆......

我就係煲改篇自李碧華<<秦俑>>既"古今大戰秦俑情"(個名有點老套吧?)

我一定要同大家分享一下,

如果唔係我會抑鬱至死的.

個故事呢就係講秦始皇身邊有個將軍叫蒙天放(好man又有型的),

由於秦始皇要長生不老藥,

就叫徐福方士帶領500童男童女東渡尋仙(當然呢個徐福係老千,結果係日本繁衍後代)

其中一個童女叫韓冬兒,

韓冬兒同蒙天放就愛上左對方,

比秦始皇知道左,

蒙天放就要活生生製成陶俑,

韓冬兒就將粒長生不老藥吐左入蒙天放個口.

於是蒙天放就存活左2000年,

係30年代同80年代,

佢地兩個都相遇了!

佢地相愛左2000年!三個世代!厲害!

真係估唔到秦朝既歷史都可以甘吸引的!

我好後悔當年去西安睇兵馬俑既時候以為個個一樣,冇認真甘睇= =

而家我日日對住miffy送比我既小秦俑,

希望會彈個蒙天放出黎比我:)

同埋......我發覺我已經唔愛四阿哥了.

佢為左皇位不擇手段,骨肉相殘,

相比起有情有義,忠君愛國,瀟灑迷人,係韓冬兒有難既時候一次次捨身相救既蒙天放...差好遠!

我已經移情別戀了.....

好想有人同我分享煲古裝劇個樂趣~

算算算,我地講第二d野.

有冇人肯陪我睇<金陵十三釵>呀?

係講南京大屠殺中既十三個妓女點樣拯救一班女學生架...

如果冇人陪我睇,

我就搵歡欣同我睇架啦.

我仲決定要買本原著架啦.

考完試真係好!!!

我可以睇我既<雍正王朝>啦!

係圖書館借左好耐架啦......

雖然我唔再愛四阿哥,

但係我都對佢好有興趣的!

而且我仲可以煲<唐宮美人天下>!

我的新年假將會異常燦爛美麗,大放異彩!

我告訴你們.

我現在的心情真是好興奮,

沒有任何事可以撲滅我心中燃燒得旺盛的熊熊烈火!

miffy我告訴你,

我這篇qooza是在11/1 10:13儲存草稿的,

可見113已經侵佔了我的生活!

祝你113那天幸福得要死!