今次就用藍色字啦，

張媽媽成日著藍色套裝長裙、外披白色針織冷衫:)

真係好唔捨得張媽媽走，

好似從未遇上甘好既老師，

<<師說>>寫道：師者所以傳道授業解惑也。

張媽媽一早已經超越左一個普通既老師，

以前一直唔明點解d學姐會稱佢為張媽媽，

而家我諗我知點解啦:)

其實真係有好多野想講，

不過我諗都係在心中啦，

雖然我真係一心諗住高中比佢教中史，

想像唔到其他老師步入課室......

我已經好習慣佢既自high模式同埋佢好溫柔甘叫我，

我真係會好唔捨得佢:'(

今朝佢拉我出課室，

問我做咩唔開心，

我講唔出「我唔捨得你」之類既對白，

只好尷尬地話「想繼續比你教」，

佢摸摸我塊面，

讚我係一個好努力學習既學生，表現好好(exactly words唔係好記得，因為當時思緒好混亂)

安慰我話：好既走左，會有更好的，

當時真係好想衝口而出講「好難搵到一個比你更好」，

不過只係講左「以為一直會比你教到中六」

佢又話自己既壞軀殼已經捱左八年，

突然又同我講佢個女今年大學畢業(又係佢一向開朗豁達既語調;))

同埋覺得好遺憾佢最中意既課程唔係中四，

佢話佢最中意近代史，

同我講起六四，

我話我會去六四燭光晚會，

佢就話「甘到時見你啦」，

然後入課室寫佢既e mail同電話號碼比我，

佢指住個e mail話：呢個"60"係指我係60年代架!

然後又話：遲d有機會同你講下我手提電話既玄機!

佢同我講：六四果日你打比我啦!

---

真係講唔出我既感受，

不過......點解我會損失一個甘好既老師:'(