最近好有口福呀，
繼琴日食左人間第一味美味---雞蛋仔後，
今日午餐食左香港美食100強之一既曲奇皮蛋撻，
我既味蕾被深深地撼動了。
係Weibo上面睇到：難過的時候就吃東西，因為胃和心的距離很近，當你吃飽了的時候，暖暖的胃會擠佔心臟的位置，這樣心裏就不會覺得那麼冷清，那麼空落落。
有咩幸福得過係一日辛勞之後用美食慰勞自己？
正如我找到我既幸福(雞蛋仔)、姜找到自己的幸福(炸大腸)，
此際你就會明白，
幸福唔係虛無縹緲的，
係實實在在觸得到、聞得到、嚐得到。
當你望住個檔主倒d蛋漿落夾板時，係視覺既享受；
當你接過紙袋時，即使再輕力都會發出聲音，係聽覺既享受，亦係美味既前奏；
當你拎住一底熱辣辣既雞蛋仔時，係觸覺既享受；
當你聞一下果種豐富既香味時，係嗅覺既享受；
當你紅唇半張咬落去果粒雞蛋仔，香味四溢時，係味覺既享受，係歌曲既高潮；
當你感受到佢既外脆內軟、粒粒皆飽滿時，然後味蕾話比你既大腦知「好好味」時，係心靈上既享受；
當你依依不捨食完最後一粒既時候，精神上既滿足簡直昇華左去另一個境界，樂章戛然而止但尚存餘韻……
這就是雞蛋仔的幸福學問。
正所謂：
人生得意須盡歡，莫使嘴巴空垂涎，
天生我胃必有用，脂肪耗盡還復來。
亦好似〈藥〉裏面既華老栓甘：
我的精神，現在只在一底雞蛋仔上，彷彿抱著一個十世單傳的嬰兒，別的事情，都已置之度外了。我現在要將這紙袋裏的雞蛋仔，移植到我胃裏，收穫許多幸福。
這段文字解釋了雞蛋仔帶給我的幸福感，我亦開始明白華老栓抱著人血饅頭時的滿足和期待。
其實美食同文學是可以互相結合的﹗
我相信，如果林黛玉知道世上竟然有雞蛋仔如此天下第一美味，
一定唔會甘快吐血而死。
如果曹操嚐過蛋撻，〈短歌行〉就要改寫啦：
「慨當以慷，幽思難忘。何以解憂？唯有蛋撻。」是蛋撻而非杜康。
溫庭筠既〈更漏子〉「一葉葉，一聲聲，空階滴到明」太傷感了，
應改為：「雞蛋仔，炸大腸，空肚食到明。」就有意思得多。
蘇軾既豪情亦應屈服係美食之下：相顧無言，有口水千行。料得年年大腸處，砵仔糕，白糖糕。
諸如此類。
如果雞蛋仔早d出現，
可能八國聯軍就唔會入侵、辛亥革命就唔會爆發、大清就唔會滅亡、日本就唔會侵華、國共就唔會內戰、毛澤東就唔會出現搞文革、香港就唔會回歸……
食物深深影響住歷史同文化，
「民以食為天」果然有根有據。
