今日好涼快好舒服:)

前幾日係圖書館借左本梁文道寫既《味覺現象學》，

內容係關於飲食一d有趣既知識、現象同哲理，

例如：自助餐文化、侍應服務態度、餐龐如劇場、公平貿易食品……

好好睇好有意思、字體好精緻，仲有淡淡發黃的書香~

於是今日lunch我開始嘗試欣賞自己既午餐。

雖然隔離Jenny食緊看起來好美味既自家製墨西哥卷，

而我食緊紅番茄小食部供應既芝士火腿三文治，

雖然未至於珍饈百味與殘餘菜渣既落差，

但係我都萌生出"隔離飯香"既感覺……

不過我仍然同自己講其實我食緊既三文治都唔差，

芝士冇怪味，火腿又唔會搶左芝士d味，個包又唔會太乾同太硬，

的確唔係浪得虛名既紅番茄出品﹗

然後太肚餓忍唔住去左小食部買包燒賣食下(本來掙扎左好耐食豆腐花定燒賣好，不過豆腐花冇貨)，

果然係「少食多滋味」，

偶爾一包燒賣簡直係味覺既安慰。

我好虔誠地落豉油同埋懷住敬重既心落辣椒油，

然後揀左個近操場既藤椅位坐低，

享受住微風同埋俯瞰打籃球的同學們……

我好認真好誠心地品嚐每一粒燒賣，

感受蘸上豉油同辣椒油既燒賣既味道，

直至我依依不捨地食埋最後一粒，

我感覺到辣椒油留戀在我唇上，

果種火辣辣又通紅又刺激既感覺真係無法用言語形容﹗

好滿足^^