我發覺我的念力真係好強。

例如我心諗：莉莎今日應該冇烏冬供應，

就真係冇烏冬。

又例如我心諗：今年件啦啦隊衫應該會唔靚但係都會靚過中三果件，

結果亦如是。

例如我有一日心思思諗下應該點樣描述秋天既氣氛，

文學測驗又真係叫我地渲染秋天。

例如有本書想睇好耐都搵唔到，

結果有日心血來潮去圖書館打個白鴿轉，

居然又會比我借到。

以上情況經常發生。

最近我仲發現我可以選擇以A作代價換取B。

例如我諗：我寧願今次數學小測唔合格，文學都要拎第一，

就真係會成真﹗

例如我突然間想：如果個身可以瘦D，我唔介意塊面肥D，

就真係會輕左一兩磅，但係塊面就圓左。

例如我祈求：神呀，如果你比我今次中文口試抽唔中，我就喉嚨痛都得﹗

就真係會架喎……

諸如此類。

點解會甘既？

甘我最大既賭注應該係用咩換取D咩？