岩岩睇左大陸中套史詩式重頭劇《楚漢傳奇》的片花，

(顧名思義係講秦朝時劉邦同項羽楚漢相爭的經過)

之前我一直唔明項羽氣宇軒昂具大將之風霸王之範，仲有精銳部隊助佢奪天下，

點解會輸比劉邦呢個市井之徒無賴流氓，只得一班烏合之眾既小人物呢？

然後睇到一段劉邦同項羽商討攻秦城既經過，

劉邦話秦兵卸下盔甲其實都只不過係普通百姓，不必血洗秦城，

但項羽就一意孤行破城之日一定要殺盡秦兵以洩心頭之恨，

跟住項羽既叔父就話：「暴秦為坑殺降俘為天下人所恨，你要讓我們項家為天下人所恨嗎？」

去到呢度，

我諗我明白點解得天下既係看似怯懦既劉邦而唔係項羽……

劉邦出身平民，

深知百姓之苦，

仁愛正正是為君者必先有既條件。

假如項羽稱帝，

佢所行既就一定係勵精圖治，而非與民休息既政策，

又何來漢朝盛世呢？

漢朝帶比中華民族影響之深遠彰顯易見，

漢人、漢族、漢服、漢語……

我決定要煲左呢套劇佢。

另一個令我感動之處係，

係劉邦有難時，

呂雉依然對佢不離不棄，

仲話「嫁雞隨雞，嫁狗隨狗」，

雖然佢做呂后時相當心狠手辣，

但佢對劉邦果份忠貞，

幾千年來既歷史又有幾多？