今次西安之旅整體而言都非常美妙，

景點沒有令我失望，

同同學玩得好開心，

又認識到新朋友，

收穫豐富:)

所以趁我仲記得，

一定要詳細記錄低西安之行既所見所聞。

---

第一日(24/3/2013)

超期待超興奮，

不過見到架飛機有d失望有d驚恐…

因為好似80年代國產飛機甘又細又甩色，

仲要自己行上去，

得一條走廊通道又冇電視機，

空姐又唔仔細check乘客有冇扣安全帶，

好驚好驚好驚好似徐志摩既下場甘……

不過好彩平安到達:)

西安天氣好好，

非常清涼乾爽又有陽光，

唔似得香港落雨潮濕又悶熱。

上車之後孟導遊(佢係孔孟第N傳人)講左好多野，

有D洗腦成份，

例如：毛主席是我們的紅太陽、是我們的神etc.

晚上去了一間裝潢豪華的酒樓食飯，

不過食物比較辣同油。

回酒店既途中經過古城牆，

好長好大架車行左5分鐘仲未見到盡頭。

番到酒店，

第一個反應係：唔錯喎﹗好過大葉好多倍﹗

隨即被浴室(係全個浴室)嚇呆：透明既？﹗

然後發現原來可以拉簾既……好彩﹗

夜晚狂試用wifi不果，

結果過左冇幾耐就訓左。

不得不提既係酒店員工服務態度一流﹗

好有禮貌有效率有耐性，

我地成日打去櫃台多多要求，

佢地都好快解決我地既需要，

很好﹗