好想呻下溫文學好苦，
果篇甘既《涉江》好難哽句句都有註解總共50幾個，屈原係甘強調自己有幾高潔，然後用左一堆山呀雲呀雨呀霧呀暗示政治腐敗……
然後《齊桓晉文之事章》個齊宣王真係好蠢問甘多問題，成篇有103個註解又N個游說手法……
元曲呀宋詞呀全部都係一班懷才不遇既中年男人用10萬種修辭技巧抒發人生苦短、自傷遲暮、嚮往隱逸、懷念故友既感受……
D先秦散文又長又悶，儒、道、陰陽家既學說都包含在內……
D後人又成日想像D意思加諸係古人作品身上：明明真係出面有蟋蟀叫，你又話人百無聊賴；明明人地隻船逆流好難行，你又話人眷戀故國……
D騷人墨客又中意拋書包引用典故：咩接輿髡羌、桑扈臝行、萇弘化碧、望帝啼鵑、醉倒山翁、嚢螢夜讀……………
寫首新詩又要用古典意象：江南、青石街道、蓮花=女子貞潔、柳絮=相思……
又要溫春秋戰國、宋、元、民國現代既文學史：楚辭、戰國策、孟子、莊子、宋詞、元曲、雜劇、史記、新詩……
11篇範文已經甘煩，考DSE真係@@
雖然如此，不過我都好愛文學的<3<3<3
可以尚友古人，
體會下蘇軾既豪邁豁達、辛棄疾既愛國忠義、李清照既婉約哀怨，
感受下馬致遠田園之樂既逸趣閒適，大嘆「蛩吟罷一覺才寧貼，雞鳴時萬事無休歇，何年是徹？」
參悟下莊子既逍遙出世、無知無慾、緣督以為經、養生延年既思想，
為可憐既竇娥憤慨一下、敬佩佢既悲慘遭遇，
為閏中婦人誤以為夫君歸來卻原來只是個過客感到深深的失落同嘆息，
仲可以歌頌下屈原出奇既想像力同無比高潔既志向(其實佢真係好煩，個端午節係對我既補償)……
讀《鴻門會》既時候又可以一睹項羽、劉備、樊噲……既風采，
溫《死水》時不但感受到聞一多激烈既愛國情懷，仲可以見到摩摩既俊朗外貌。
不過讀文學最大樂趣係可以不留情面地批評果D麻煩詩人、角色，
佢地真係好搞笑﹗
例如個齊桓公真係好低B啦、個莊子專係諗埋曬D奇怪野、周邦彥真係好冇男子氣概etc.
仲有文學世界好多俊男豪傑<3<3
例如才子柳永、徐志摩、鄭愁予、型男孫權、項羽……(k)(k)(k)
所以除左要背n樣野之外，讀文學真係幾好架﹗
哈哈哈哈溫到語無倫次﹗﹗
