小時候的我, 想的問題非常非常的複雜
那些問題, 即使時至現在, 我都找不到一個合適的答案

記得當年讀基督教學校, 非常自然就開始入教
那時一位老師說到, 只要相信有耶穌, 死後便會入天堂
即使是死前的一秒臨時的相信, 天堂之門依然為你而開

而我那小小的腦袋不停運轉, 轉啊轉, 轉啊轉
那時又受我已故老媽自小教育, 有問題不明白就必須提出來

如是我呆頭呆腦的問老師:
「咁上天堂既係而家既我丫, 再細個D既我, 定係好老好老既我? 而家既我同以前既我又唔同丫, 大個左既我, 同老左既我又自然唔同喎, 咁邊個先係我? 邊個有得上天堂? 抑或係到我大個, 細個既我就唔係我? 咁而家既我冇得上天堂? 只有老到好似伯伯既我先有?」

 其實說到這裡我還沒有說完, 只是不停地想下去, 鑽下去, 在喃喃自語, 直到老師說話才停下來

我記得老師沈默了半晌, 回答我:
「天堂係我地冇辦法想像家, 總之你去到會好開心好開心, 開心到我地而家冇辦法了解, 而你去到天堂既形式形態亦係冇法想像家.」

我說了句「哦」心裡對這個答案不甚滿意
這個也是將來離開基督教的一個契機

現在想來, 這個問題也是非常難以解答
高中時有修讀佛學, 她倒有一個自己的解釋－－－「無我」

當然, 誰是誰非現在也無法辨清
只是我現在發現

人長大了, 想到的問題, 比以往會更為複雜難解
這些年就有一些問題, 無論如何都無法以任何渠道方式嘗試去理解

像每每我走在街道上, 都會思索一個令我感到無比疑惑的問題

「丫, 呢條女點解會咁靚既呢? 簡直靚到離晒譜」

時至今日, 終於有一個類似當年老師那解答的答案出現
好以用作自我催眠:「刁! 一定係化妝! 一定係化妝!! 都係假既, 嚇我唔到既!」