早幾日發左一個有關以前既夢
令我諗翻好多中學時代既事, 一件又一件
昔日好多好多既人都已經成為一個又一個既曾經
包括以前既我自己

有人將人生比喻為一張白紙
隨住時間既推進, 遇上不同既人, 經歷不同既事
一件事, 一個人, 甚至乎係一句說話
都會成為一筆一筆既顏料同色彩

如果人生係一件事物
我諗, 往事就一定會係塵埃
有如上述既比喻, 我好早就已經被好多好多既顏色覆蓋
或者係被塵埃所淹沒

唔單止認識既人唔再望到而家既我
甚至乎以前既我自己, 都已經唔再望到而家既我

早一年既時間係上環
每當變幻時個編劇－馮志強曾經講過
每當變幻時呢套戲其實想講, 當你經過好多好多既事
回想起, 曾幾何時, 你遺憾, 你悔恨, 你成功, 你失敗
終有一日你會發現, 呢一D曾幾何時, 都只不過係一個過程
 

或者每一秒都代表住有上一秒既自己離世
藝術係階段性既, 永冇話而家一定比以前更強
曾經, 我厭惡而家既自己

但我而家覺得
19歲既我自己, 價值比16歲既自己或有不如
但, 亦唔應該否定佢既全部

接受, 或可能係對現實既一種妥協
但冇呢一份妥協, 可能永遠唔會進步

唔跨呢一步,
永遠就只有
原地踏步

或者我應該學會, 妥協亦係前進既一個踏腳石

永遠冇永遠, 如果妄想住有永遠, 想要停留
就只會腐朽