一直忙忙忙忙忙到而家, 係時候報告一下近況

1.
終於一試傳說中最平自助壽司－－－明將
全港最難食日本野, 果真名不虛傳, 名副其實啊!

2.
「自助火鍋任飲任食不過係68蚊渣」
勁屈機, 湯底加12雞, 醬料又加12雞,
加埋服務費, 最後埋單成舊水

下次唔叫湯底同醬料, 叫晒d野食黎, 生食!
睇佢仲收唔收到我一舊水, 真係豈~有~此~理~!

3.
去左「演藝界512關受行動」做義工
同想像中好唔同, 但勁正勁好玩
識左好多人, 做左好多野, 見到好多靚女
非常充實

4.
出左大快活溫左成日書
大家都進入狀態, 非常好

其實我真係鍾意食麵多過食飯好多

5.
最近成日同狡兔傾msn
其實呢排同佢傾, 好多時我都唔似平日同人傾咁,
未組織好, 就將一堆心底一d零碎既說話塞晒比佢

呢排雖然日子過得好充實唔頹廢
但心情都係好差, 好多謝佢接受我一堆自言自語, 令我放鬆

多謝你啊

6.
順帶一句, 輝輝你好pk啊
昆埋d妹妹仔上床, 仲索到死, 唔只一件, 食人隻豬 

小心天收你啊頂你= =

聽日就考試, 好冇信心, 沖完亮溫溫先 

p.s: 既然過左十二點, 同四爺講句生日快樂先
係啊, 生日快樂好喇, 其他日子唔好快樂啊, 鬼叫你成世附碌丫豈~有~此~理~!