尋晚呀佩約我出去....落Ｋ1...

其實唔係好想出夜街，但一諗起可以見到佢(唔係大邱)，就想出去見下！

都好耐無見過佢了，話晒都同佢經歷過短短幾個月既感情！其實都仲有掛住佢既，但明知大家都無可能了！

上兩個禮拜我都同ling妹落去玩，不過唔夠一個鐘就走左，個晚都見到佢，但無同佢講過野，只係見到一眼！

但估唔到我走左之後，佢竟然走去問呀ling我Ｄ野，哈哈，好出奇，無同佢一齊之後，佢一值無問過我Ｄ野！

可能佢知我無同個癲佬一齊掛哈哈！

尋晚見到佢都有主動行去打招夫！不過都無講過野，見到佢變左，變得o靚仔左好多！

尋晚都係玩左兩個幾鐘就走左喇！

跟住過左青衣訓，因為太夜返黎粉嶺我怕黑呢！但上到佢，我同佢都無講過野！

感覺好唔知點，我覺得我係度阻住佢囉！

所以等朝早5點半有巴士就走左返屋企！

我諗我以後都唔會上青衣了，唔係好想再見到佢。

今早好慘囉....媽咪唔小心跌爛我部電話>.<

聽日一起身要拎去整.....又唔知等幾耐先有得拎返！

聽日約左親愛的bowie出旺角食飯！