調寄:你有心
新詞:再見,主人    by孤泣

於那別離當日 深深不忿
原因很不甘心 對我的處分
趕我入窮巷內 悲劇發生
留低家中印滿的腳印

永遠記得 當天擁我入懷最愛是誰
還為我 添新冬天衣裳跟我睡
我記得 在當初我時常犯錯 沒規矩
打我同時 亦像痛心裡

從前你開心 或是你躺淚
亦伴你走 孤獨與空虛
聽著你 說再不會為誰
全程 來投入愛誰

然而你最終 又為愛躺淚
亦願再交出熱血之軀
躺於你倆腳間
我默默靜觀伴隨
然後你 最愛說我未曾失去

當你為求安定 開始捨棄
留低家中不想理我生與死
當你另謀生活 只為自己
從此開始對我不客氣

臨行我最終 亦未說保重
但願我可多留半分鐘
等待我 再次得到認同
期待 還能被縱容

原來我已經 像石塊不動
沒力氣講 只能放心中
身在這冷氣室
那藥力續漸地溶入血管中
你的每秒記憶 氣味及熟識面容
陪著我 似變了我現場觀眾

臨行我最終 亦未說保重
但願我可多留半分鐘
等待我再次得到認同
期待還能被縱容

隨時間結束 未為我感動
亦願你跟家人再相擁
你的每串記憶 氣味及熟識面容
陪著我 似你到了現場相送

鳴謝你 過往你亦為我心痛

-------------------------------------------

作詞者的話:::
呼...好耐無試過寫一首,mixing一首歌,不能阻止流淚的衝動..
一面聽著剛mixing好的"再見,主人",一面找尋有關spca的資料,
真的不能停止眼淚...
對著被遺棄的牠們,真的沒有什麼可以做到,只有用我最擅長的
東西,去為牠們寫一首屬於牠們的詞,更希望大家都明白,珍惜
牠們,養寵物之前請想一想,拋棄動物是可悲,虐待動物更加可恥!

個人資料:::

姓名:QQ

性別:女

出生日期:2005年8月5日

出生地點:屯門某某停車場

工作:玩樂,氹人開心

職業:跟車,保安員

嗜好:玩膠樽..汽水罐..用完既膠紙圈

性格:活潑,可愛,友善,平易近人

家人:全部都住系新界

QQ的故事:::
有一日..應該系8月中既時候..我地幾個系某某車場發現左一堆狗仔..
其中一隻就系QQ啦..到QQ可以自己食野..吾洗媽媽餵奶既時候..
佢媽媽既主人就肯比我地拎走QQ..自此之後..QQ就跟住我地生活啦..
吾知點解..QQ好似一出世就好似同車好有緣..因為我地呢行系做運輸..
日日都揸車出揸車入..又要夜收工..冇理由放QQ系屋企甘內架..
於是就帶埋QQ出去開工..所以佢好細個已經跟住爸爸出去開工..
出到去就留系公司..爸爸就去開工..公司入面有另外一隻狗..
系一隻宜家已經3歲既斑點狗..佢叫做呀king..佢做左大哥哥..
睇住妹妹QQ..兩個成日一齊玩..一齊去彭福公園..一齊去游水..
不過QQ好驚游水..未捉佢落水隻手就已經郁定先..震哂..好似"摩打手"咁..
平時系屋企沖涼都好驚..震哂甘..可能因為QQ與水無緣啦..玩水其實好開心架..
系QQ大約3個月大既時候..曾經病過一次..又痾又嘔..即刻系附近搵獸醫診所..
驚佢有事..點知搵到之後果間診所又休息..最後就揸車車佢去遠小小既診所睇..
好采最後都冇事..呢次算系QQ唯一一次既大病..之後我地都好小心照顧佢..
成日留意住佢既身體狀況..後尾比我地發現佢有食物敏感..
以致甩毛..好似生'滋'咁..吾食得芝士同雞飯製造既狗糧..
醫生就建議佢轉食羊飯製造既乾糧..就食到QQ宜家D毛咁靚啦..
毛色烏黑而帶光澤..所以個個見到QQ都話佢d毛好靚..
吾中意狗既人都咁講..佢爸爸未有車既時候..開完工要自己搭車番屋企..
冇理由帶住QQ搭車架..不過都曾經偷偷地搭過西鐵既..
車入面既人見到QQ咁細隻..都冇咩特別理會..但系咁落去都吾系辦法..
佢會大架嘛..第一次跟爸爸番屋企既時候..爸爸個媽媽吾中意QQ番去住..
因為公屋吾准養狗..怕QQ亂吠會比人投訴..又驚佢系屋企周圍大小便..
跟住知道QQ吾會亂吠同埋好乖..其實到左QQ打齊針之後..
就知道落街先可以痾屎尿..佢就學識左忍屎尿..從來都吾會系屋企痾..
過一排QQ間吾中跟爸爸番去住..同佢相處左一排..爸爸個媽媽就中意左QQ..
成日都會問QQ個爸爸.."QQ今日番吾番黎呀??"..
其實同QQ相處過既人都會好掛住佢同好錫佢..
當佢好似屋企入面好重要既一份子咁..到後期佢爸爸有架車出入開工..
跟住QQ就開始左佢既跟車生涯..一路就跟到宜家都冇轉工..
呢份工對QQ黎講都吾錯架..每次由屋企開始出門口開工..
樓下個看更叔叔同車場管理員都會同QQ講"QQ..開工啦??"QQ就會擺擺尾..
之後QQ就去到邊玩到邊訓到邊..日日都有好多朋友仔走埋黎搵佢玩..
佢既朋友仔好多都系爸爸既同行同埋開工時候識既..
大家都好friend..好玩得埋..當QQ系一個日日都見又好乖既小朋友..
不過呢個小朋友系吾需要返學..由細到大都只需要開工..玩..食..訓..生活無憂..
QQ都知道自己好幸福..因為見佢愈黎愈聽話同懂性..
QQ既兄弟姐妹有d比人拎左去車房做車房狗..
有d就比人捉左..最後一隻妹妹都系車場比車車死左..
QQ真系好采..有得去到邊玩到邊..不知幾開心..佢一定吾捨得轉工啫..
呢份應該系QQ既終身職業..佢一定系覺得自己冇搵錯工啦..
QQ開頭番工既時候..未有宜家咁多人識佢..其實QQ好有人緣..
d人見到佢都會行埋黎同佢玩..當然系驚狗之人除外啦..
到佢番工有番咁上下日子..都慢慢系開工果段時間識左好多好多朋友仔..
d朋友仔每次見到佢都好開心..一得閒就走埋黎同佢玩..知佢中意玩膠樽..
飲完野既膠樽都會特登留番比佢..QQ開工既時候..佢就快去到某d地方..
知道自己有朋友仔系果度..或者有得落地去痾屎痾尿同玩既時候..
佢都會特別興奮..佢會周圍望..周圍跳下跳下..好似系度問緊爸爸到未..
叫佢"行快d啦"..好似好心急咁..見到會同佢玩既朋友仔行過..
會望到實一實..又望下佢地隻手有冇拎野黎比佢玩..
但系如果佢見到d日日見..但吾系甘玩得既朋友仔..
就比較冇咁激動..比呢d朋友仔摸完..d朋友仔就會行開..
宜家QQ會識得分邊d朋友仔會同佢玩..邊d朋友仔只會同佢say hello..
睇佢條尾就開始分得出friend既程度..呢個系好老友定普通老友呢?!
哈..從"尾"得知..點解呢??因為勁friend既老友行埋黎呢..
QQ條尾就會擺得超超超勁..如果普通老友行埋黎呢..QQ條尾就只會擺幾下..
所以好多人都叫佢條尾做"摩打尾"..佢爸爸開工既時候成日都會離開架車..
去收貨同送貨..QQ一定冇得跟埋落車架啦..有時會行開好內..
QQ就會發揮佢保安狗既精神..如果快既會去坐系爸爸個司機位..
d人行過就覺得佢好似識揸車咁..話"狗狗揸車呀"..
爸爸系左邊行左去..佢就會坐系左邊望實..如果爸爸行右邊..佢就會望實右邊..
如果內既就會系度訓教..一知道爸爸番黎就會彈起身..
重有..QQ會認得爸爸架車仔d聲..其他人推車仔行過佢吾會有咩特別反應..
淨系爸爸果架行埋黎佢先會彈起身..一聽到爸爸放架車仔上車..
關車門既時候..佢就會知道可以開車走..但系如果佢見到爸爸吾系上車..
系行左去既時候..佢就會吠佢..問佢"你做咩走左去呀.重吾上車.吾系走得啦咩??"..
QQ真系好痴人..好中意同人相處..知道邊d人錫佢..佢一見到果d人就會好開心..
佢重識睇佢爸爸既脾氣..如果爸爸心情吾好..抖大氣..
發脾氣既時候..QQ就會衝埋去錫佢..氹番佢開心..咁爸爸就會開心番..
爸爸好似淨系得QQ可以氹到佢咁..見到爸爸做完野番黎..
成身汗..知佢好攰咁既時候..又走埋去錫佢..幫佢抹汗..爸爸又知佢乖..
又會錫番佢..同佢講"乖女啦.知你乖啦"..跟住QQ就會坐番去自己個位度..
試過行車既時候..有警察想查車..QQ就即刻彈起身..睇下咩事..望下個警察..
警察又望一望QQ..跟住就叫佢爸爸開車走..行緊車既時候..
佢見到車出面有狗經過..佢會發出"嗢嗢"聲..好興奮..好似想同狗朋友仔玩咁..
呢排..好似覺得QQ比以前重乖左..聽教左..之前佢見到膠樽同汽水罐會衝埋去玩..
叫吾住佢..但系宜家已經吾會再系咁..一叫佢"NO"..佢就吾敢走埋去..只系望住..
應該系因為之前發生左一件事..話說有一日..爸爸入到倉..放左QQ系貨台上面..
自己就泊車埋貨台位..QQ就以為爸爸想走..吾要佢..
佢就好大聲咁吠..點知呢個倉既經理行左出黎..同佢爸爸理論..
話吾比帶狗入倉..又話要報警..嘈左幾句..爸爸就打左QQ幾下..
叫QQ吾准再吠..又同佢戴口罩..較高個窗..好似焗住QQ咁..
爸爸都好心痛..覺得QQ好辛苦..但系為左吾想比人投訴..
冇辦法啦..到第2日..QQ可能都知道咩事..吾再好似前一日甘亂吠..
只系吠左幾聲..而爸爸吾想QQ辛苦..就將口罩帶系佢條頸上面..
好似知道自己曳曳就會搞到爸爸比人投訴..所以都開始叫得住佢..
當比佢落地既時候..佢都吾會亂咁走..會留系我地既視線範圍內..
就算見到佢最愛既膠樽..都吾會衝埋去搶..只會離遠望住膠樽離佢而去..
佢會知道自己曳曳就會比人打同鬧..乖就會好多人錫佢..
好多QQ既朋友仔都知道佢好懂性..
之後落黎既日子..我地都會寫好多關於QQ既故事..
QQ既fans記住多d留意啦!!!!!!!!