今日做第一日宅男，睇住两瓶也，令我谂起好多好多开心事、

要从第一晚认识开始，今晚（7/14）真系好有缘咯，因为种种原因令到我地三个（一朵、明、我）去左好耐没去噶大窝底（球场），完全谂住去无无聊聊坐一晚，谂唔到会认识到你地两个好“兄弟”咯，第一次认识就同你地坐系球场倾心事真系好出奇，还倾到三点添，可以倾心事已经唔系一般朋友（已经当你地系好朋友好知己）当时完全系谂住等你地叫走先，然后我地送你地走，估唔到你地系要等我地叫走先肯走咯！你地系得噶！我翻到屋K就去冲凉，扒系床度谂左好多也先训得着，全因为你地，令到我 谂甘多也。第二晚（7/15）我地谂住再去撞下你地，因为你地话可能还会来。点知你地真噶来佐，一朵还以为发梦，今晚我地系坐系乒乓球台倾计、玩打手仔，玩下玩下就过佐成晚，同你地一齐时间过得真系好快，送你地走果阵我地约左你地天晚去打羽毛球，你地好爽快就应承我地，真系好开心咯…好可惜今晚（7/16）只系见到好多飞机飞过，不过好彩比我谂到先行石仔路，再去玉湖。（条石仔路还未行完啊！有机会要行埋区），放心，我实会陪你地行。行玉湖个桃花林果度我记得AC一见到对情侣就系度笑，我唔知你系傻笑定坏笑，我见到你笑，我觉得你好搞笑，搞到我都笑埋。记得有一次比wai推一下，其实当时我惊佐一下，真噶怕掉落去比d鱼吃佐，你都知d金鱼几禽兽啦！之后我地去佐吃宵夜，行去吃宵夜噶途中我地有讲有笑啦！你地还学识佐一句好搞笑噶也“靓仔，要按摩吗？”（没记错系呢晚讲噶）打亲电话来都讲呢句，好彩都系我听。如果比我家人听到，我真系唔知笑还系哭好。吃佐宵夜我地又走去球场坐，真系坐左一阵就十二点半，时间过得真快，因为天日要上江门，所以我地话要早d翻去养神，讲真啦！每晚我都系谂也谂到好晚先训，个样真系叫残。今日（7/17）台风将我地个行程破坏佐，不过最后还系玩得好开心，上帝呢次我原谅你。（今日系六日入面我最仲意噶一日，因为今日玩得最多最开心噶一日，系滨果门口影相果阵我地你推我我推你系得wai自己敢一个冲上去，最后都系因为你另我地一齐走上去影，打机果阵我系见到你地一直玩投篮，突然想知你地玩甘耐只手累唔累，我玩几次就手就好累。然后我地去影贴纸相，讲个秘密你地听，其实我好怕影相，没表情噶主要原因。不过真系影得好搞笑，d相好正啊！到吃饭果阵，wai你帮我切扒，我真系好开心，居然有人帮我切好区，切得又靓，吃饱还坐系度玩，还罗佐AC副墨超带，第一次带还影埋相，我都会做d甘噶也  ，好难得，事后自己都觉得意外，之后我谂住带你地去连我都没去过噶地方，我系记得大概位置，周边同入面都唔清楚，最后比区地两个话我没思想，好唔爽啊！系图书馆到比我发现佐蕉树，AC吃蕉吗？哈哈…原来行图书馆都几好，我觉得。之后系去佐饮也，比我知道AC你都仲意朱古力，朱古力系我致爱啊！哈哈！不过现在多数都系唔开心先会去吃。等车果阵你地话想唔撑伞跑，其实我无所谓噶，只系怕你地会病者。今日真系玩得好开心，还值得开心噶系我没以前同女仔去玩甘怕羞，嘻嘻…所以今日我特别特别仲意）7/18今日我地又约佐你地去打球，天公对我地都算好啦！几惊区今日落雨，不过我知实唔落。今晚你地叫我地天日又去影相行街（你地都玩上瘾啦！haha...）呢次我地三个噶决定权貌似比左我，送你地翻去果阵我应承你地去。今晚其实都几黑仔，同一朵跳楼梯整衬只脚，当时事实唔觉有咩痛楚，不过系慢慢开始痛（当时wai你叫我唔好踩小橙，落来行，我唔落噶原因）翻到屋K我随便处理一下就训佐，凉都没冲啊！早上还系好早就起左床（暑假以来最早一次）系因为痛醒左，经过一个早上噶努力处理，然后唔系好痛，行得就系。最后都准时去到（呢次我地没迟到啦），虽然系行得慢左d，不过影相影得还系好搞笑好正（呢次有表情啦！多得你地上次令我对影相改观咋）你地望住我果阵我话你地用歧视噶眼光望住我，还叫你唔好理我，其实我都系想你地唔好因为我而就住就住甘玩者，我知你地系关心架！虽然日噶行程好短，不过还系唔错啊！一样甘开心，因为第一次比女仔送我翻屋k，嘻嘻...你地临走还问我地今晚还去唔去球场，还问我甘噶样去唔去得（好多谢你地噶关心啊）我话去坐下，因为去埋今晚我地就唔知几时先可以再见，我慢慢滚都会滚过去，呢晚倾得都好开心啊！第一次同你个wai玩d甘暴力噶游戏，玩到我只手都红晒！一齐睇星星，睇住“日落”一朵你话见到流星，系未真架，我望左好耐都唔见咯。走果阵你地比我地一人一封信同礼物，我睇见甘噶场面我个脑空白左，真系没佐思想（第一次承认自己没思想）讲唔到也，谂唔到讲咩好，眼睛有d也想涌出来甘，然后一直无言甘行，去我地要分别噶地方，我都系唔知讲咩好，第一次，从来都没遇过呢d事，我真噶唔知点做好，分别噶握手，好AC噶拥抱（当时好想揽住你喊）过马路我擦佐一下眼睛，过到去我有回头望住你地走（我都见到你地有回头架），然后我边谂也边行，我地一直都系没出声噶，行下行下，突然见到你地系后面，令到我麻痹佐，你地点解要翻转头送我翻屋K窝，令我更加唔舍得。我翻到屋K睇住你地比我d信我d眼泪系一滴滴甘，你地居然令到我流泪，你地真系好厉害，真系好厉害（我听过双子噶眼泪只会动真情先会流出来）。因为我敷左药，所以唔可以冲凉，所以我一直扒系间床度谂我地呢几日噶也，谂左好夜先训咯。训醒我就写E-mail比你地咯，点知你地又打左个话过来，倾左一阵。之后一朵又比电话我话你地未够钟去搭车，还有小小时间，叫我地出来饮下野，当时我厄我妈出左来架，虽然上落楼梯有d难，担系我觉得值得，所谓最后一程！点都会来噶，之后慢慢翻到屋K吃饭，虽然比我啊妈骂佐几句，但系我好开心，还笑住同区讲也。

还有好多也想讲晒出来，但系有d也唔系可以用语言就可以表达到。

同你地一齐玩噶时间过得真系好快，真噶好快，就算系坐系度都可以过的甘快噶！呢六日留下我一生一个美好噶回忆，放心啦我是唔会忘记你地两个架！有机会我地还有机会一齐玩一齐倾心事一齐睇星星一齐.........实会有机会架！

一个简单噶记录，虽然写佐好多废话同无聊也，记录系甘啦！谂到乜写乜，睇到唔岩听噶唔好介意窝！

想对你地讲噶

明：你系认识最久噶好朋友，你有乜坏脾气系我顶受唔住？唔系我EQ低，系我当系好朋友好知己，但是对“没思想”呢句我开始有d反感，可能讲得过多咯

一朵：你身上有一种好丰富噶也系我最缺乏噶，兴趣呢样我差唔多咩都岩，但是三分钟热度，但是同你玩同一样也你噶毅力同耐性会令我坚持落去。

Wai：AC上次话你都系内向噶，经过呢几日我唔觉你系内向果种，你好活泼、好开朗，还我帮我切得快扒甘靓，我伤佐行的慢你差唔多次次都陪我行最尾噶，好识得照顾人咯，多谢晒！

AC：其实你另我起好奇心最重噶一个，我都唔知点解，特别想了解噶居然系你，你话你都可以好似女仔系未？其实我都觉你可以，因为比你发现佐我细心噶一面，好多谢你甘赞我，还有你有时都好识得照顾人。

Wai AC：同你玩佐呢几日你地帮我洗掉好多内向性格同以前害怕噶也，真系好多谢你地真系好多谢好多谢……你地永远都系我噶好朋友好知己