因為暫時做咩都未有太大成就時，決定寫返個BLOG。

(可能你會問點解既？！)

 

其實我成日都滿腹大志，咩都想做。做到一半，又有其他諗法。咩都半桶水，又無信心做。每日又有好多野想講，，無信心表達，但未必會同到咁多人傾向。

 

但我有個對我好好既男朋友，無論想做咩，佢都話有興趣就試試啦！到呢幾個禮拜，我又想試試另一樣野，WEDDING PLANNER.... 諗起早半年仲想努力創下業，都未做到就變。

 

而今日行書局，又買咗本書有關一個女仔寫BLOG 記錄住自己既思想。佢本身只係想寫返自己既生活，等大D睇返可以為自己既童年覺得驕傲，點知最後佢寫寫下BLOG發現自己既興趣：寫書.... 所以我都希望藉住呢個BLOG，我都可以揾到自己既將來！！！

 

其實我之前都有寫下DIARY，但大多都係寫今日做咗D 咩，比咩人激情，開心唔開心。一D 好簡單，又無咩意思既野。我都估唔到宜家想學人寫D好BLOGGER 既BLOG，想多D 不同既人，喺不同既地方可以睇到我寫既一點一滴。我要係到做返我自己，所以....

 

＊∼我呢個BLOG 係唔開名的∼＊

（你可以幻想一我宜家既心情幾激動... 鬥志幾高漲... USH！！！！)

 

呢個BLOG 希望係我既新開始（加油！努力！！堅持！！！）寫下D我真係想講既，想要既，幾時想要既，點諗既.... 比一D知音人交流交流！想講下D由細路女，踏入社會後，想努力既一D 感受。又唔洗怕“魚”，又唔洗怕比人笑，更加唔怕比人話蠢 HEHE =P

 

我諗唔單止得我一個會咁諗.... 我覺得一定有好多女仔靜雞雞好似我咁諗.... 可能有一日妳會發現我地諗既野一樣，我地可以係現實做返自己，唔洗做D人地鍾意我做既野，咁就正了！

 

不過直至嗰日，我都會係個BLOG 寫返D 真野，喺現實生活做返D 人地預期既。我會好開心如果妳，唔知妳會係邊個，可以JOIN 我！令我呢個BLOG，可以成為最我地既一個小天地，做一個奮鬥小女孩，努力長大 既真我。

 

呀！係喎！我本人都好鍾意影相，好似好好食既野／美景／旅行相關／慶祝節目.... 留住最美一刻既美圖 XD 所以我亦都會POST 好多相，但我唔可以POST 自己既相（唔開名BLOG 呀嘛∼提提自己先！）

 

好了... 因為我要為我健健康康既身體，要準備訓覺覺。亦好多謝你／妳黎留意我呢個BLOG（如果有真係睇緊既！）。就話比我聽你地....點睇呢。

 

ボボセンセイ、皆さんおやすみなさい zzzzZZZZZ >3<